Otmar lo entrega keho contra Micheal Williams y su grupo pa denuncianan falso haci den su contra

0
435

Ex minister Otmar Oduber a acudi awe na landsrecherche pa entrega un keho contra di Micheal Williams y su grupo pa denuncia falso den su contra, laster y smaad, esta calumnia. Durante su bishita na Landsrecherche, recherche Robby Tromp a referi Otmar pa entrega e denuncia directamente na Ministerio Publico. E documento cu a wordo entrega ta carece di seriedad y nan ta falso.

Tereno – Destaho:

Segun Oduber, ningun tereno na Aruba ta bay un destaho publico. Pues e keho cu a keda entrega ta falso, pasobra ningun hotel, ningun tereno a bay destaho publico. Destaho publico pa un hotel of tereno no ta existi. Tin rekesitonan den ley cu nan mester cumpli cune y si nan cumpli, nan ta haya e tereno.

TERENO NA WAF – Port City:

Segun Otmar Oduber cu e no a otroga ningun tereno na tereno di waf ni Port City. Tur hende a cansa pa ta cera pa Covid y awor nan kier skirbi cosnan cu no ta berdad.

Incinerator 300 miyon cu comicion di 20 miyon:

Tambe tin un keho riba un incinerator cu supuestamente ta na Aruba y cu mester a cobra 20 miyon di comicion pe. E proceso di incinerator no a conclui na un final, unda un hende lo a haya e destaho aki. Tabata un proceso cu varios expertonan entre otro di WEB, pero tambe di Hulanda y Merca. Mester pone un stop na e tipo di cosnan aki y pesey mes ta entrega un keho di denuncia falso. E keho ta riba “valse aangifte”.

E siguiente paso awor ta cu Oduber lo prepara su keho pa wordo entrega na Ministerio Publico.

LEAVE A REPLY

Please enter your comment!
Please enter your name here