Otro siman e departamentonan di gobierno lo reanuda trabao

0
344

Prome Minister Evelyn Wever-Croes:

Poco poco lo cuminsa habri servicionan di gobierno entrante otro siman

Esaki tambe ta bay di nivel pa nivel

Gobierno ta bay cuminsa habri e servicionan di gobierno otro siman. Aki tambe ta aplica cuater nivel, segun prome minister di Aruba, Evelyn Wever-Croes, den un conferencia di prensa diamars anochi.

E prome nivel ta e nivel cu ta cuminsa otro siman. Ta tur departamento di gobierno lo ta habri cu un capacidad di personal di 25%, pa loke ta trata funcionnan esencial, pa dos siman. Despues ta bay pa e siguiente nivel, cual ta 50% personal. Despues e siguiente nivel, te cu yega 100%.

Otro siman e departamentonan di gobierno lo cuminsa cu trabaonan bek, cu e capacidad di 25% di e personal y solamente e funcionnan esencial.

Kico esaki kier meen?

Pa loke ta servicio publico lo wordo anuncia den e dianan nos dilanti. E hefenan di departamento a wordo avisa y lo cuminsa prepara den e dianan aki pa e social distancing cu mester wordo aplica na pia di trabao y prepara pa habri pa publico.

Un di e sectornan menciona cu por habri otro siman, ta e sector di construccion. No por permiti sector di construccion cuminsa sin mas.

Cu esey prome minister kier meen cu si un tienda di paña of joyeria of e otro tiendanan of servicionan cu habri bek. Si nan kier habri nan tin cu atene nan mes na e reglanan y lo wordo controla despues. Pa construccion nan mester un permiso special prome.

Ta consciente cu e sector di construccion lo contribui na e desaroyo economico y na entrada pa famianan na Aruba. Pesey a considera esaki tambe.

LEAVE A REPLY

Please enter your comment!
Please enter your name here