Poco poco lo bay habri establecimentonan pero tin cierto condicionnan

0
708

Prome Minister Evelyn Wever-Croes:

Poco poco lo bay habri establecimentonan pero tin cierto condicionnan

Lo controla e tiendanan prome cu nan habri, durante y despues cu nan cera

Pa tur establecimento cu ta bay habri for di awo en adelante, tin condicionnan cu ta aplicabel, segun prome minister Evelyn Wever-Croes.

Condicion di por ehempel e establecimento no por tin mas cu x cantidad di persona mes momento paden, incluyendo personal.

E mester cumpli cu 2 meter di distancia entre su clientenan den e tienda. Mester tin handsanitizer na porta y mester tin un plan con e ta atene cu e reglanan di higiena henter dia.

Mester tin mas hende cu ta encarga cu limpiesa, vooral ora cu hopi hende ta mishi y na man di porta, cosnan asina.

Nan lo wordo controla frecuentemente pa integrantenan di un ekipo multidisciplinario cu gobierno tin.

Prome cu por habri uno, e tienda of establecimento mester bay di acuerdo cu esaki. E mester presenta su plan cu e mes ta bay implementa y e mester por cumpli cu tur e rekisitonan aki.

Muy probablemente por anuncia si, pero mirando cu nan mester pasa un proceso di aprobacion, di preparacion, esaki no lo ta algo cu lo conta for di awe pa mañan.

E tiendanan lo wordo controla prome, durante y despues. Nan lo wordo cera si nan no cumpli cu e reglanan aki.

Esaki ta e unico forma cu por bay habri poco poco nos economia interno.

LEAVE A REPLY

Please enter your comment!
Please enter your name here