Lesa e carta aki! Por ta informa Marisol cu no tin confianza mas den su persona y ta pidi’e entrega retiro

0
1708

Marisol Lopez Tromp Noord, Aruba

Juni 5, 2020 Considerando:

Cu desde cu bo persona a asumi e encargo como minister presenta pa partido y sosteni pa fraccion di POR, bo a opta pa no tin comunicacion regular ni optimal cu fraccion y partido. Varies biaha bo a opta pa no presenta na reunionan of yega sumamente laat,y bo no ta mantene fraccion ni partido informa di bo maneho;

Cu nos pais ta pasando den temponan sumamente dificil sin precedente debi e crisis di COVID-19, caminda cu Gobierno di Aruba ta haci su maximo esfuerso pa mantene y garantisa seguridad laboral;

Cu sin embargo bo persona ta bin ta tuma unilateralmente desicionan cu ta bay contrario na e maneho ey. Asina por ehempel bo persona a purba atribui na bo ministerio autoridadnan cu ta pertenece na colega minister di partido, door di anuncia cu lo sera acceso selectivamente (solamente cierto vehiculonan) na camindanan publico den Parke Nacional Arikok, malinformando publico riba e essencia di e contenido di un decereto nobo. No obstante cu a atende bo persona riba esaki refiriendo na e leynan vigente, bo persona a keda persisti den bo maneho anuncia, exponiendo Pais Aruba na claimnan y posibel casonan innecesario den Corte, y trece varios trahadornan den incertidumbre pa cu nan seguridad laboral;

Cu mas aleuw bo persona a bay boga y hasta preciona e directiva di e compania Sui Generis Serlimar, un compania di Gobierno, patrimonio di Pueblo, pa pidi surseance di pago;

Cu e sursuance di pago ta completamente innecesario y principalmente den luz die crisis debi na e COVID0-19, caminda e mercado laboral a cambia drasticamente y ta bow hopi preshon, un surseance tin un impacto social y laboral hopi mas grandi, ja cu e ta trece directa- y indirectamente e seguridad laboral di centenares di empleado den un incertidumbre y e gastonan adicional di recohemento di desperdicio;

Cu den e caso particular di surseance di pago pa un Sui Generis, e ta un obligacion pa acudi prome na Parlamento, ja cu ta trata di un compania estatal,institui pa Parlamento via un Ordenansa, vooral mirando cu tin un ley pendiente den Parlamento cu lo trece un solucion structural, y cu Parlamento a duna aprobacion unanime pa aloca fondonan adicional un par di luna pasa. Mas aleuw bo persona no a pidi conseho di departamento huridico of di Ministerio di Husticia, no a consulta cu fraccion, Parlamento of partido, y no tin un mandate specifico di por ehempel Conseho di Minister;

Cu e peticion pa sursueance di pago en todo caso no tabata necesario paso: (1). e compania tabata tin sosten unanime di Parlamento pa haya fondonan cu bo propio persona a rekeri, (2). tin un concepto di ley pendiente bou tratamento pa yega na un solucion structural pa Serlimar, (3).te asina leuw cu ta conoci notabata tin caso pendiente den Corte di acreedornan cu peticion pa surseance di pago of algo similar, y (4). no tin ningun carta di somacion (‘aanmaning’) avisando Gobierno pa cu e intencion di un medida huridico asina pisa manera surseance di pago; ademas, (5). en todo caso semper por a acudi na Gobierno of Parlamento pa pidi aprobashon pa fondonan adicional si tabata necesario, manera semper tabata e caso den pasado pa no solamente Serlimar pero tambe otro companianan estatal cu ta fungi un tarea essencial pa e comunidad di Aruba; Cu un surseance di pago tin e risico den dje cu e por termina na declaracion die compania den bancarota, cu tur su consequencianan negative pa e empleadonan y pa Pais Aruba; Cu no obstante varies oportunidad den buena fe di parti di liderazgo di partido y fraccion, pa dunabo oportunidad pa duna splicashon, bo a prefera pa no tin dialogo y a scohe pa neglisha demostrativamente varies invitacion, como sifuera cu bo lo ta un mandatario soberano y cu no ta existi democracia parlamentario. Al contrario, bo scohe pa bay ataca partido via di un media opositor cu storianan false. Pues no ta mira un speransa pa cambio of mehoracion pa cu e comunicashon cu partido y fraccion;

Cu den e situacion actual,tumando na cuenta nos Constitucion y e historia di democracia parlamentario,un mocion di lamento,desa probacion y desconfiansa no por wordo exclui, pues bo posicion como un minister cu ta representa partido POR a bira completamente insostenibel.

Directiva, liderazgo y conseho di partido POR, a y ta conclui cu nan no tin confiansa mas den bo persona y ta urgi bo persona pa di mesun forma cu bo persona a wordo nombra pa partido POR como minister,pa bo pone bo posicion di minister na disposishon di partido POR mas pronto cu ta posibel, en todo caso no mas tarda cu dialuna dia 8 di jun i 2020 pa O’or AM. Alabes nos ta informa bo persona cu entretanto nos ta urgi bo persona pa no tuma ningun desishon den bo capacidad como Minister cu por tin consecuencianan grandi pa Pais Aruba.

Atentamente ,

Partido POR

LEAVE A REPLY

Please enter your comment!
Please enter your name here