A trece flexibilisacion pa loke ta orario di Toque de Queda y ciere di establecimentonan

0
118

Mirando cu e ta bayendo na un forma cu por control’e te cu awor aki, a tuma algun decision cu ta trece flexibilisacion cun’e den e dianan nos dilanti.

Entrante diamars, 28 di april, a cambia loke ta e orario di Toque de Queda y e orario di ciere di establecimentonan, segun prome minister di Aruba, Evelyn Wever-Croes, durante e rueda di prensa di diamars anochi.

E orario di Toque de Queda di 9’or di anochi ta hala pa 10or di anochi awo y e no ta caba 6’or di mainta, sino 5’or di mainta.

E Toque de Queda ta na vigor, nomas e orario ta cambia un tiki. Tambe pa loke ta trata ciere di negoshinan, por keda habri te cu 9’or di anochi maximo.

Doñonan di trabao ta responsabel pa tur trahado ta na cas si, prome cu e Toque de Queda di 10’or.

Si mester cera e luga pa e ora tin trahadonan cu tin cu encarga nan mes cu limpiesa, esey no ta posibel, pasobra tur hende mester ta na nan cas prome cu 10’or di anochi.

Pa loke ta trata e demas reglanan di Toque de Queda y Shelter in Place, pa loke ta trata e siman aki, ta keda mesun cos.

Pero ta cuminsa tambe mesora prepara pa e aperturanan di otro siman cu ta dia 4 di mei, esta dialuna awo.

A drenta e fase nobo y esey ta pa por prepara pa e flexibilisacion di Shelter in Place entrante otro siman 4 di mei.

Segun e mandatario, den e fasenan aki di flexibilisacion ta hopi importante pa algun regla general keda wordo atene na dje constantemente.

Loke ta trata distanciamento social, pues e distancia di 2 meter entre cada persona, esey mester bira e regla nobo den tur establecimento, den tur oficina, caminda cu hendenan ta bin den contacto cu otro.

Si bo no por atene bo mes na esey, of si e tienda of establecimento no por atene su mes na esey, e no por habri, of e ta wordo cera bek.

Tambe mester atene su mes na reglanan di higiena. Esta hand sanitizer, labamento di man frecuentemente.

Tambe ta importante pa tene cuenta cu ta bay cuminsa cu e habrimento aki, segun nivelnan.

LEAVE A REPLY

Please enter your comment!
Please enter your name here