RBC Royal Bank ta haci donacion di mas di 330 mil dollar pa apoya e siguridad alimentario den henter Caribe

0
360

Diamars 14 di april, RBC Royal Bank a anuncia un donacion pa organisacionnan sin fin di lucro den henter Caribe cu ta apoya e siguridad alimentario pa famianan den riesgo y personanan den necesidad durante e pandemia nobo di coronavirus.

RBC ta donando mas di 330 mil dollar na sociedadnan di Cruz Cora den henter e region; Hands for Hunger na Bahamas; y Cayman Feed our Future y Cayman Food Bank na Cayman Islands, tur pa apoya e iniciativanan di siguridad alimentario.

E donacion aki ta pa auni na e compromiso global di RBC di mas di 2 miyon di dollar Canades pa lucha contra COVID-19 atrabes di e Organisacion Mundial di Salud, Feeding America y Food Banks Canada.

Cita

“COVID-19 tabata tin un impacto den tur e pais y teritorionan unda cu RBC ta opera den Caribe,” Rob Johnston, Diretor di e Banco di Caribe, Royal Bank of Canada, a bisa.

“Den henter e region, nos ta mirando con ONG y otro organisacionnan ta dunando un paso p’adilanti pa atende esnan den necesidad durante e temponan incierto aki.

Nos ta orguyoso di por apoya e gruponan aki y yuda nan pa apoya nan den nan trabao vital.”

“Nos tur ta hunto den esaki y nos tur mester haci nos parti,” Johnston a bisa. Practica un bon higiena di salud, manera laba bo mannan y si bo no ta sinti bo mes bon, keda na cas.

Si bo no ta sigur kico pa haci, scucha e autoridadnan sanitario local, practica distanciamento social y sigui e regla y medidanan estableci pa e gobiernonan di henter e region.

RBC tin un historia largo di apoyo den nos comunidadnan Caribeño den temponan dificil y e compromiso aki lo sigui durante e crisis aki y mas despues.”

“Esaki ta un situacion den evolucion cu ta rekeri un respuesta coordina y sosteni,” Johnston a agrega. “P’esey, riba nivel mundial, RBC ta trahando activamente cu nos socionan comunitario, expertonan den e materia y e sectornan publico y priva pa compronde y determina unda ta e mayor necesidadnan di e comunidad y con pa sigui brinda e apoyo adecua unda cu mas tin mester.”

LEAVE A REPLY

Please enter your comment!
Please enter your name here