Recientemente Renaissance Wind Creek Aruba Resort a celebra siman di bondad, un siman yena cu actividad pa celebra ‘World Kindness Day’.
E siman di bondad ta un programa cu a ser crea dedica na e miembronan di ekipo (line staff) pero tambe pa duna importantancia na e parti di ta bondadoso cu bo colega. Dialuna a inicia sorpresando tur miembro di ekipo cu un detaye chikito como aprecio for di Human Resources pa asina tur hende cuminsa nan siman bon, yena cu energia positivo.
Diamars tabata e dia di ‘Walk in my shoe’. Esaki ta e di tres aña cu Wind Creek Hospitality ta realisa e programa, caminda cu cada manager ta traha mita dia den e sapato di un miembro di ekipo (line staff). E parti unico di e programa aki ta cu e manager no ta dicidi unda eta bai traha, sino mas bien e miembro di ekipo ta esun cu ta kies e manager cu nan kier pa forma parti di nan ekipo. Di acuerdo cu Sr. Paul Gielen, General Manager di Renaissance Wind Creek Aruba Resort; “E programa di ‘Walk in my shoe’ ta uno di sumo importancia pa Wind Creek debi cu e manager ta experencia y traha e trabao diario di un miembro di ekipo (line staff). Na final di dia cada manager ta manda nan feedback pa Human Resources, ta compila tur cos pami por lesa. Despues hunto nos lo sinta y wak na unda y cua area of departamento mester di mehoracion”.
E siman a continua caminda cu cada miembro tabata tin e oportunidad pa duna un compliment na un otro colega den forma di un carta of nota y wak e smile bondadoso riba nan cara. Sigur un bon manera pa laga un otro sinti bon. Diahuebs tabata e dia dedica pa hasi un acto di bondad, aki varios departamento a ‘treat’ e miembronan un cos dushi di come of bebe. E actonan di bondad ta uno noble cu ta sali for di curason di cada colega pa nan laga un otro colega sinti bon. Diabierna a cera e siman cu un lunch na Renaissance Convention Center, aki un biaha mas cada manager a haña un rol pa sirbi cuminda na miembronan di ekipo, hasi e trabao di limpiesa of sirbi den bar.
Wind Creek Hospitality semper a sa di duna bek na e comunidad di Aruba. Un biaha mas a duna su aporte na Aruba y pa culmina e siman di bondad a haci un ‘beach cleanup’. Varios miembro di ekipo a reuni caminda nan a hasi Wariruri Beach limpi aportando asina na e medio ambiente di Aruba. Bondad ta un acto di curason y asina un biaha mas Renaissance Wind Creek Aruba Resort a celebra ‘World Kindness Day’ den grandi.
