Solidaridad laboral ta fundamental pa nos mantene e siguridad laboral

0
359

Minister Glenbert Croes na ocasion di Dia di Labor:

SOLIDARIDAD LABORAL TA FUNDAMENTAL PA NOS MANTENE E SIGURIDAD LABORAL

 Na ocasion di Dia di Labor unda nos ta keda recorda e lucha di trahadornan pa logra husticia social cu derechonan laboral basa riba igualdad y progreso, e Dia di Labor e aña aki ta uno increiblemente dificil y cu desafionan grandi pa henter nos Pueblo trahador.

Cu e menaza grandi sin precedencia den historia cu e crisis di Corona Virus a trece como consecuencia cu ne, COVID 19 a menaza salud, bienestar y futuro di henter mundo y sin duda tambe di nos Pais y Pueblo.

Aruba y nos Pueblo ta bibando momentonan sumamente dificil y nunca antes bisto. Turismo ta morto, nos economia local ta practicamente morto, entradanan di Gobierno ta cayendo drasticamente poniendo e stabilidad financiero di Gobierno na peliger. Un crisis nunca antes bisto.

Un menaza riba nos bida manera antes nos a conoce, Gobierno di Aruba a tuma e decision cu nos mester busca tur manera pa sigura e salud y sobrevivencia di henter nos Pueblo sin excepcion.

Gobierno a tuma e decision difici di implementa e medidanan di LOCKDOWN y SHUTDOWN cu ta medidanan sumanente drastico pero alavez sumamente necesario pa sigura e salud di henter nos Pueblo.

Gobierno a tuma e decision pa introduci e FONDO DI ASISTENCIA SOCIAL DI EMERGENCIA FASE pa yuda tur ciudadano cu a perde nan entrada.

Gobierno a tuma decision cu ta bin cu LOON SUBSIDIE /SUBSIDIO DI SALARIO pa apoya companianan mantene trahadornan na trabao y cu un salario suficiente bao di e circumstancianan aki.

Gobierno a tuma e decision pa yuda e companianan chikito y mediano cada 3 luna pa nan por paga nan gastonan pa nan por sobrevivi.

Gobierno a tuma decision pa tur trahador entrega un parti di nan salario y beneficionan pa asina nos sigura cu tur hende por mantene un salario y un biba envista cu den sector priva tin alrededor di 37.000 trahador ta perdiendo nan trabao.

Un linea cora cu nos por mira den e historia aki ta:

TRAHADORNAN ATRAVES DI SOLIDARIDAD LABORAL, ATRAVES DI SACRIFICIONAN, TUR TRAHADOR TA MANTENE SIGURIDAD LABORAL. E MOMENTONAN AKI TA SUMAMENTE DIFICL, PERO E MOMENTO TA YEGANDO PA NOS POR PONE E CAPITULO DIFICIL AKI PA PASADO. LAGA NOS MANTENE NOS FE CU FORZA INQUEBRANTABLE PA ARUBA VENCE Y PA ASINA NOS COMO PUEBLO HABRI UN CAPITULO NOBO DEN E BIDA NOBO CU HENTER NOS PUEBLO TIN DERECHO RIBA DJE CU UN FUTURO NOBO BRIYANTE BRIYANDO NOS CAMINDA DI FUTURO.

LEAVE A REPLY

Please enter your comment!
Please enter your name here