Supermercado Chines ta usa likido pa mop vloer como handsanitizer

0
7423

Diamars merdia un señora a acudi na un supermercado na Tanki Leendert. Pa regla di Gobierno, na entrada e mester ricibi un spuit den su man di hand sanitizer cu alcohol di minimo 70%. E señora tabata convenci cu loke nan a spuit den su man, no ta hand sanitizer. E tabata te hasta manda holor dushi. A notifica polis riba e asunto aki, pasobra e ta mustra mas peligroso ora cu no cumpli cu regla y usa un bon hand sanitizer.

SOLO DI PUEBLO a bin compronde cu polis a intermedia y e Chines mester a duna cuenta ta ki likido e ta usando. A bin sali na cla cu el’a cumpra e likido na compania local cual ta un producto color berde y ta skirbi cu e ta sanitize. E producto ta conentra y mester mescle cu awa. Ora di haci mas investigacion a bin sali na cla e producto aki ta mas bien pa mop vloer y no ta un hand sanitizer y ta duda cu esaki ta contene alcohol di minimo 70%. Unabes cu mescle cu awa, ta nifica cu e no ta contene alcohol 70%.

SOLO DI PUEBLO a dobble check e sitio Web di e compania local enberdad e producto ta bisa di ta un sanitizer, etc.etc, pero kisas e no ta pa wordo usa riba man, sino riba vloer, etc. Porcierto ta mustra un bon producto cu por wordo usa pa laba obheto, vloer, cushina, etc.

Ta urgi DVG pa revisa esaki, pasobra ora nos ta kere cu lo laba man via un hand sanitizer, ta resulta cu no ta e caso..

LEAVE A REPLY

Please enter your comment!
Please enter your name here