Tiendanan di paña, joyeria, truck di cuminda, museo y centro di arte, proyectonan di construccion por habri

0
1734

Prome Minister Evelyn Wever-Croes:

Ni school, club nocturno, restaurant y shopping mall lo bay ta habri por lo pronto

Lo bay evalua despues si nan por habri den un siguiente fase

Entrante dia 4 di Mei, cual ta dialuna awor, te cu dia 17 di Mei, prome minister di Aruba, Evelyn Wever-Croes, durante e conferencia di prensa di diamars anochi, a anuncia cu lo permiti algun establecimento pa habri, pero cu cierto condicionnan den un prome fase.

Un maximo di 15 persona por ta na e mesun momento den e establecimento, esey ta inclui personal y cliente alavez.

Manera cu a anuncia, ta trata tiendanan di paña, joyeria, truck di cuminda, museo y centro di arte, proyectonan di construccion y tienda of servicionan cu no tabata riba e lista no esencial, pero cu voluntariamente a cera.

Pero tin varios establecimento cu no por habri. Ta entre schoolnan, cu ainda no a tuma decision cu por habri.

Nan lo keda cera por lo pronto, te cu en todo caso 11 di Mei. Te cu awor aki no por bisa cu despues di 11 di Mei por habri. Ta trahando riba esaki.

Tampoco loke no por habri ta shopping malls of mercadonan, bar, nightclub, restaurant, panaderia y tur clase di recreacion cu excepcion di museo y centro di arte, salon di beyeza, barbero, massage, sauna, etc. Esakinan no por habri ainda, segun prome minister.

LEAVE A REPLY

Please enter your comment!
Please enter your name here