Twitter ta elimina un video cu un discurso di Donald Trump riba George Floyd.

0
52

Diahuebs, Twitter a elimina un video alusivo di e morto di George Floyd, comparti riba e cuentanan di e campaña presidencial di Donald Trump despues di a ricibi un keho riba e derechonan di autor di e material audiovisual.
E videonan, publica diaranson riba e cuentanan @TeamTrump y @TrumpWarRoom, ainda disponibel riba FAcebook y YouTube, ta inclui imagennan di Floyd, como tambe e protestanan contra racismo y di brutalidad policial na Merca y e actonan vandalico cu a sosode durante desaroyo di esakinan. E imagennan ta wordo compaña cu un background di un discurso di Trump den cual ela cualifica e morto di Floyd bao di custodia policial como un “tragedia grave” cu “nunca mester a sosode.” E accion di e plataforma no a pasa desapercibi door di e ekipo di e campaña di e politico Republicano, kende a acusa Twitter y Jack Dorsey, fundador ehecutivo di e red social, di
censura “un mensahe edificante y unificador di e presidente Trump despues di e tragedia di George Floyd.” Di su parti, Lauren Alexander, vocero di Twitter, a sigura cu e decision di retira e video a wordo tuma como resultado di un keho riba derechonan di autor ampara bao di e Ley di Derechonan di Autor di e Milenio Digital, di acuerdo na medionan local. Esaki no ta e prome biaha cu e campaña di Trump cu ta haci uzo indebido di materialnan
audiovisual riba rednan social. Den e sentido aki, diahuebs, dia 4 di juni nan a haya nan mes obliga na elimina un video referente riba Youtube, Facebook y Twitter, na e lansamento di e mision Crew Dragon di SpaceX door di viola e reglanan publicitario di NASA.

LEAVE A REPLY

Please enter your comment!
Please enter your name here