Ja ta hasi un anja cu e conocido musico HENRI RODRIGUEZ a fayece,pero su logronan ta keda bibo.Tabata diadomingo ultimo 14 di November,cu e FUNDACION PA ARTE Y CULTURA BONEIRO,a otorga Henri su strea artistico den e dushi barrio di RINCON na Boneiro,anto riba e Plaza O.E.(TAVIO)St.JAGO.

E strea a wordu devela dilanti di su famia,conocir,amigonan y jioenan y a hanja un logar prominente memei di e otro 15 otro baluartenan di Cultura Boneriano.

Pa esnan cu no sa Henri Rodriguez a nace na Aruba,pero na un edad hopi tempran a viaha pa Bonaire hunto cu su famia.Aya ela desplega un trajectoria hopi largo y exitoso den musica.Como bahista ela desaroya te yega na bira maestro musical,compositor,y areglista.Un di gruponan cu ela forma parti di dje ,a realisa varios presentacion na Korsow,Boneiro y Venezuela.

Aki na Aruba na su regreso a forma parti di e popular LATIN FOUR y a yuda funda ENERGIE BRASS como tambe miembro di TBS BRASS dirigi pa su propio jioe homber Gerardo ‘Bashaka’ Janga.Durante e ultimo anjanan ela figura tambe den e gospel band GOD SONS di su amigo Sr.Gregory Goedgedrag.

Aunke e ta un nativo di Aruba ,pero su stimacion pa Boneiro tabata grandi,y nunca a lubida su amigonan Boneriano cu a yude na forma su mes musicalmente.E bunita gesto aki ta resultado di e stimacion aki ,cual a wordo altamente aprecia pa su famia,cu ta sinti cu awo nan querido HENRI no ta un strea den shelo solamente,pero na riba e suelo Boneriano tambe.

LEAVE A REPLY

Please enter your comment!
Please enter your name here