Minister di Turismo y Salud Publico sr. Dangui Oduber ta satisfecho di e hecho cu diamars tabata tin 2 crusero grandi den nos waf.
Un biaha mas Aruba a ricibi e mega crusero di Allure of the Seas di Royal Caribbean y Horizon di Carnival Cruiselines. Total Aruba a ricibi mas di 10.200 turista crusero, hopi bunita pa wak nos centro di cuidad cu hopi movecion economico.E temporada di high season ta mustrando di ta surpasando tur expectativa.
E turismo crusero tambe lo bay recupera completo, pero esaki ta bay dura un poco mas pa por yega na e nivel di aΓ±a 2019.Minister Oduber a sigui bisa cu na aΓ±a 2023 ta mustra di ta un aΓ±a hopi prometedor den cuadro di e recuperacion di Aruba su turismo crusero.
Ya caba tin hopi calls confirma pa otro aΓ±a pero ainda tin hopi booking cu ta habri pa por duna un cantidad di calls exacto. Un Noticia hopi positivo ta cu den aΓ±a 2023 Aruba lo bay ricibi un otro mega crusero, e biaha aki ta e barco crusero Mardi Gras di Carnival Cruise Lines cu ta conoci pa tin turistanan cu ta laga hopi placa atras.
Minister Dangui Oduber ta kere firme den e recuperacion di Aruba su turismo y economia, pesey Gobierno ta haciendo tur lo necesario pa sigui stimula nos economia. Un palabra di gratitud ta bai pa henter e ekipo di Aruba Ports Authority.
