For di 24 pa 26 di september 2021 a tuma lugar e campeonato Sur- Centroamericano y del Caribe Masters.de Levantamiebto de Pesas den e .ciudad di Ibarra na Ecuador.
Cu participación di pais Aruba, El Salvador, Peru, Venezuela y Ecuador
Pa Aruba a participa Dianie Croes den categoría di +87kg y grupo di edad 30-34 ańa.
Esaki ta prome biaha cu Dianie Croes.ta participa den un evento internacional di masters.
Dianie cu a bai bon prepara mester a bataya duro cu atleta nan di El Salvador y Ecuador pa Asina logra den su hisadanan den snatch 65kg y clean & jerk 88kg pa un total di 153kg. Cu e total aki Dianie ta gana Medaya di Oro pa país Aruba.
Otro atleta cu a bin den acion ta Hugo Themen cu a competi den categoría di 73kg y grupo di edad 60-64 ańa ta logra den su Hisadanan den snatch 53kg y den clean & jerk 68kg pa logra un total di 121kg pa asina gana medaya di Plata pa Aruba.
Directiva y atletanan di Aruba Amateur Weightlifting Association ta manda palabra di felicitación y pabien na e dos atletanan masters Dianie Croes cu su medaya di Oro y Hugo Themen cu su medaya di Plata cu nan a gana den e Campeonato Sur-Centoamericano y del Caribs Masters de Levantamiento de Pesas na Ibarra, Ecuador.
Riba e potretnan por wak Hugo y Dianie den acción y e medaya a wordo entrega durante di clausura di evento masters.
