𝐁𝐨𝐧 𝐁𝐢𝐧𝐢 𝐒𝐮𝐩𝐞𝐫𝐯𝐢𝐬𝐢𝐨𝐧 𝐄𝐱𝐭𝐞𝐫𝐧𝐨: 𝐏𝐚 𝐃𝐞𝐟𝐞𝐧𝐝𝐞 𝐏𝐥𝐚𝐜𝐚 𝐝𝐢 𝐏𝐮𝐞𝐛𝐥𝐨, 𝐍𝐨 𝐏𝐚 𝐏𝐨𝐥𝐢𝐭𝐢𝐜𝐨𝐧𝐚𝐧

 Supervision financiero externo ta mustra un panorama positivo pa Aruba. Pa corda, hasta Hulanda mes ta bao supervision financiero di Brussel. E Rijkswet mester contene dos regla cla:

1. E deficit di begroting no por yega mas cu 1.5% di bruto binnenlands product (BBP).

2. E debe externo no por yega mas cu 40% di bruto binnenlands product (BBP).

Esakinan ta regla cla pa mara man di politiconan irresponsabel y pa proteha placa di pueblo. Sinembargo, tin partidonan cu ta usa “autonomia” como hustificacion pa sigui keda cu man los y malgasta.

RED den gobierno a defende entrada di e Rijkswet como un ultimo recurso pa para e gasto irresponsabel, pero e votadornan no ta castiga politiconan cu ta malgasta, ma ta sigui premia AVP y MEP – dos partido cu a causa e colapso financiero di Aruba. Mas ainda, Parlamento di Aruba ta un stempelparlement sin control real riba gobierno.

Supervision externo, p’esei, ta un bonbini: pa proteha balor di nos florin y pa pone regla serio riba maneho di nos finansa.

Autonomia a wordo usa hopi biaha pa defende interes di politiconan irresponsabel di AVP y MEP. Awor e momento a yega pa sacrifica un tiki di autonomia financiero, pa defende e interes mas grandi:

“𝐏𝐥𝐚𝐜𝐚 𝐲 𝐟𝐮𝐭𝐮𝐫𝐨 𝐝𝐢 𝐩𝐮𝐞𝐛𝐥𝐨 𝐀𝐫𝐮𝐛𝐚𝐧𝐨.”