Parlamantario Endy Croes ta splica cu dia 1 di mei ta un dia crucial cu ta acercando y Gabinete Eman Croes ta masha masha keto riba e tema di Rijkswet. Despues di hopi esfuerso di oposicion pidiendo un reunion finalmente e Presidente mediocre di Parlamento a yama e reunion aki pa dia 29 di April proximo cu Geoffrey Wever mientras MEP a pidi e reunion cu Mike Eman y Gerlien Croes. Mientrastanto e deadline di Gobierno Gabinete Eman Croes ta dia 1 di mei proximo pa bay di acuerdo presentando un concepto nobo di un Rijkswet.
Historia di โRijkswet en breveโ:
Pademia (Covid19) asota mundo henter y a bati na porta di Aruba 13 di maart 2020. Aeropuerto a cera, hotelnan a cera y paga nan luz, nos fuente di entrada primordial a sufri un sla enorme. Un di cada dos adulto na e momentonan ey tabata depende di gobierno y gobierno mes no tabata tin fondo suficiente pa surpasa e pandemia. Esaki tabata e base pa bati na porta di Hulanda pa pidi un ayudo. Aruba a calcula y a entrega cuanto placa Aruba lo tin mester pa lunanan Maart te cu Juni y Hulanda a dicidi riba su mes cuanto placa e ta presta Aruba como ayudo. Dia 15 di mei na un manera inhusto y cual nunca mas Aruba lo lubida, Hulanda a dicidi โeenzijdigโ sin argumento cu Aruba mester corta 60 miyon pa anja den AZV sino no lo ricibi e ayudo financiero. Fin di Juni 2020 e staatssecretaris Militair Knops sin ningun hustificacion a hisa benta (2) Rijkswet e famoso (CHE y RAFT) riba mesa, mas un cuhiu di 8 duim abusando di su poder na un manera di sino of fono. Asina Hulanda a deal den Pandemia cu nos Minister President. Aki Hulanda ( Knops) a splica cu lo bay yuda Aruba cu โLiquiditeitsteunโ bou un solo condicion cu Aruba lo acepta e dos Rijkswetnan aki. Desde juli te november 2020 a bringa cu Hulanda na un manera strategico riba nos propio forza y 13 di november 2020 a bay di acuerdo cu Hulanda y a firma. E rason tabata cu placa lo a caba december y mester a escohe pa savalguardia e pueblo. Alabes nos Premier saliente Evelyn Wever Croes a logra ricibi consehonan cu e dos leynan di Militair Knops manera nan a wordo presenta no lo pasa via e proceso di Raad van State y nos tabata sa cu Raad van State lo bay ta hopi critico contra Militair Knops y esnan cu a presenta e ley dictatorial di e forma aki. Pues nos โsafety valveโ nan tabata โin placeโ momento a firma. Claro no por a divulga esaki e momento ey. Rijkswet CHE a bira COHO na caminda y Raad van State a caba cune y a logra bari esaki di mesa. Hulanda a tene duro na e RAFT cual finalmente 21 di februari 2025 โRijksministerraadโ a tuma un decision cu ta kita esaki tambe for di mesa. Asina a logra bari tanto COHO y RAFT for di mesa. Mientras ta negoshando un โRijkswetโ nobo cual 1 di Mei proximo Gabinete Eman Croes lo mester splica pueblo si nan ta bay di acuerdo pa presenta esaki. Nan sa kico ta para eyden awor como ta nan ta negoshando. Momento critico pa Aruba y spera e politiconan Mike Eman y Gerlien Croes no ta politiconan di Panlefi y entreguista.
โRijkswetโ Nobo cu Mike y Gerlien tin awor na nan encargo:
Nos semper ta cauteloso y ta bisa cu entre otro mester tin un bon exit โbepalingโ. Tambe mester ta hopi cla cu Hulanda ta dispuesto pa re-financia debenan cu ta madura . Sino e โflieโ aki tampoco por subi. Mike Eman y AVP ta e mama di LAFT y awor probablemente lo bira e Tata di โRijkswetโ. No por ta asina cu bo ta acepta un โRijkswetโ sin un salida. Tampoco un โRijkswetโ cu un formula di un exit โbepalingโ di cual casi nunca bo lo logra sali. Mike Eman a presta 2200 miyon di aรฑa 2010 pa aรฑa 2017 sin importa e interes e tempo aya creando e Mega Debe.
Nos a percura pa corihi e mal maneho y laga miyones di Surplus den caha. Evidente ta cu Aruba por maneha su propio pais momento hende drechi cu stima e pais aki ta na mando. Importante pa scucha posicion di AVP y Futuro ariba e tema aki. Futuro nos sa lo bende su alma mes pa haya poco placa mientras AVP un tempo tabata fuerte contra โRijkswetโ.
E bala ta den nan scochi y nos peticion ta pa negosha inteligente cu e Hulandesnan sin mester core entrega autonomia pa un saco di placa. Lo monitor esaki di serca. No entrega Aruba pa un saco di placa barata. Pa Corsou y St Maarten Hulanda a paga tur nan debe 10-10-10 momento nan a haya un โRijkswetโ!Manera Premier saliente Evelyn Wever-Croes a splica cu a logra bari COHO y RAFT for di mesa y laga 2 menu interesante atras. Un cu e receta di 6.9% y e di dos na 3.4% di interes. Lo keda pendiente pa e splicacion den Parlamento 29 di April proximo.
