𝐏𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐄𝐧𝐝𝐲 𝐂𝐫𝐨𝐞𝐬: 𝐒𝐞𝐠𝐮𝐧 𝐁𝐚𝐧𝐜𝐨 𝐂𝐞𝐧𝐭𝐫𝐚𝐥 𝐬𝐮 𝐢𝐧𝐯𝐞𝐬𝐭𝐢𝐠𝐚𝐜𝐢𝐨𝐧 𝟖𝟑% 𝐝𝐢 𝐏𝐨𝐛𝐥𝐚𝐜𝐢𝐨𝐧 𝐚 𝐢𝐧𝐝𝐢𝐜𝐚 𝐜𝐮 𝐧𝐚𝐧 𝐩𝐨𝐝𝐞𝐫 𝐝𝐢 𝐜𝐨𝐦𝐩𝐫𝐚 𝐚 𝐛𝐚𝐲 𝐚𝐭𝐫𝐚𝐬 𝐦𝐢𝐞𝐧𝐭𝐫𝐚𝐬 𝐆𝐞𝐨𝐟𝐟𝐫𝐞𝐲 𝐖𝐞𝐯𝐞𝐫 𝐭𝐢𝐧 𝟏 𝐥𝐮𝐧𝐚 𝐜𝐮 𝐯𝐚𝐤𝐚𝐧𝐭𝐢𝐞

Parlamentario Endy Croes a repasa e resultado di e investigacion haci pa Banco Central di Aruba “Consumer Confidence Survey Report” publica recien 17 di Juli 2025. E encuesta di confiansa di consumidor hasi pa Banco Central di Aruba ta evalua e percepcion economico di e consumidor local. Banco Central ta indica cu 94% di consumidornan ta premira cu prijsnan na Aruba lo sigui aumenta y lo ta mas halto den proximo 6 lunanan.

𝐏𝐫𝐞𝐜𝐮𝐩𝐚𝐜𝐢𝐨𝐧𝐧𝐚𝐧 𝐩𝐫𝐢𝐧𝐜𝐢𝐩𝐚𝐥 𝐝𝐢 𝐜𝐨𝐧𝐬𝐮𝐦𝐢𝐝𝐨𝐫 𝐝𝐞𝐧 𝐚ñ𝐚 𝟐𝟎𝟐𝟓:
Consumidornan ta sinti un deterioracion di e situacion di negoshinan y di economia a baha y a alkansa 67%( den aña 2024 esaki tabata ta 24%). Un total di 49% di Aruba ta premira cu e posicion financiero di gobierno lo empeora. ( den aña 2024 esaki tabata 27%). Alabes e Report di Banco Central di Aruba ta duna cu 44% di poblacion ta premira cu e situacion financiero di nan hogar lo deteriora.( den aña 2024 esaki tabata ta 26%). Cifras nan aki ta ilustra klaramente e desconfiansa y mal maneho di e gobierno actual. Esaki ta lokual ta biba actualmente den pueblo segun e report y investigacion hasi pa Banco Central di Aruba.

𝟖𝟑% 𝐭𝐚 𝐢𝐧𝐝𝐢𝐜𝐚 𝐜𝐮 𝐧𝐚𝐧 𝐩𝐨𝐫 𝐜𝐮𝐦𝐩𝐫𝐚 𝐦𝐞𝐧𝐨𝐬 𝐜𝐮 𝐧𝐚𝐧 𝐞𝐧𝐭𝐫𝐚𝐝𝐚:
E report ta ilustra cu 83% di poblacion ta confirma cu nan ta cumpra menos cu nan entrada compara cu 6 luna pasa. Tambe 36% a indica cu nan ta spaar menos. Si nos tira un bista den Programa di Gobernacion 2025-2028 di AVP- Futuro riba pagina 4 ta ancra bou nan prioridad: “Trese alivio pa gastonan esencial di pueblo y controla costo di bida y MEHORA PODER DI COMPRA”. Si nos mira e rapport di Banco Central di 17 di Juli 2025 por tuma nota cu AVP – Futuro ta haciendo net lo contrario di locual nan a priminti. Tur prijs a bira mas caro na Aruba y pueblo ta pasando den dolor. Un total di 83% ta bisando Bo cu nan PODER DI COMPRA a bay atras mientras cu 94% ta indica cu prijsnan lo sigui aumenta. Ehempelnan bibo, Nescafe Afl.13.42 awe ta costa Afl.17.42. Gobierno a bay di acuerdo pa aumenta prijs di gas di Afl.50 pa Afl80,-.

𝐌𝐞𝐦𝐞𝐲 𝐝𝐢 𝐭𝐮𝐫 𝐞 𝐝𝐨𝐥𝐨𝐫 𝐌𝐢𝐧𝐢𝐬𝐭𝐞𝐫 𝐝𝐢 𝐅𝐢𝐧𝐚𝐧𝐬𝐚𝐬 𝐚 𝐛𝐚𝐡𝐚 𝐯𝐚𝐤𝐚𝐧𝐭𝐢𝐞 𝐩𝐚 𝟏 𝐥𝐮𝐧𝐚 𝐥𝐚𝐫𝐠𝐨:
Algo cu nunca a pasa durante Gabinete Wever Croes 2 ta cu un minister tin e luho pa baha vakantie pa 1 luna largo. Ora Bo asumi e posicion Bo sa cu bo ta traha y sirbi pueblo 7 dia pa siman. Geoffrey Wever apesar di ta na altura di e dolor di pueblo ta coy su caminda baha bay cu vakantie pa 1 luna largo. Nos ta lamenta esaki masha hopi paso e pueblo mes no por disfruta di un vakantie debi na e poder di compra cu a bay atras y costo di bida cu a aumenta drastico. Parlamentarionan di Coalicion AVP-Futuro tur ta cu vakantie y no ta tende net nada di nan. Nan no ta controla y corigi nan propio gobierno pa por cumpli cu nan programa di gobernacion. Nan no ta parando banda di pueblo. Spera cu nan lesa e report di Banco Central di Aruba y lanta for di soño. Parlamenmtario Endy Croes ta termina bisando cu Pueblo ta sufriendo mientras ministernan ta djodjo!