𝗡𝗔 𝗡𝗜𝗡𝗚𝗨𝗡 𝗠𝗢𝗠𝗘𝗡𝗧𝗢 𝗔 𝗥𝗘𝗙𝗘𝗥𝗜 𝗡𝗔 𝗣𝗔𝗥𝗧𝗜𝗗𝗢 𝗥𝗔𝗜𝗭 𝗗𝗘𝗡 𝗦𝗣𝗟𝗜𝗖𝗔𝗖𝗜𝗢𝗡 𝗡𝗔 𝗣𝗥𝗘𝗡𝗦𝗔

Minister Maduro ta aclarea:

𝗡𝗔 𝗡𝗜𝗡𝗚𝗨𝗡 𝗠𝗢𝗠𝗘𝗡𝗧𝗢 𝗔 𝗥𝗘𝗙𝗘𝗥𝗜 𝗡𝗔 𝗣𝗔𝗥𝗧𝗜𝗗𝗢 𝗥𝗔𝗜𝗭 𝗗𝗘𝗡 𝗦𝗣𝗟𝗜𝗖𝗔𝗖𝗜𝗢𝗡 𝗡𝗔 𝗣𝗥𝗘𝗡𝗦𝗔

𝘈𝘵𝘳𝘰𝘣𝘦 𝘰𝘱𝘰𝘯𝘦𝘯𝘵𝘦 𝘱𝘰𝘭𝘪𝘵𝘪𝘤𝘰 𝘵𝘢 𝘣𝘶𝘴𝘤𝘢 𝘧𝘰𝘳𝘮𝘢 𝘱𝘢 𝘬𝘪𝘣𝘳𝘢 𝘴𝘵𝘢𝘣𝘪𝘭𝘪𝘥𝘢𝘥 𝘱𝘰𝘭𝘪𝘵𝘪𝘤𝘰 𝘥𝘪 𝘈𝘳𝘶𝘣𝘢

Oponente nan politico ta buscando tur manera pa asina destabilisa e gobernacion di Pais Aruba. E siman aki nan a haci uzo di un splicacion cu Minister Maduro a duna contestando un pregunta di prensa riba gobernacion di Aruba na man di partido nan grandi manera MEP y AVP, pa saca esaki fo’i contexto y traha meme pa haci pasa cu e mandatario ta referi den su contesta na partido Raiz.

Minister Maduro ta aclarea cu na ningun momento ela referi na partido Raiz of a menciona nomber di Raiz como partido di coalicion. E mandatario ta lamenta cu oponente politico atrobe ta busca forma pa crea division y rabia den comunidad pa asina purba destabilisa un gobernacion di coalicion di Aruba. Sigur awor cu Aruba tin asina tanto reto, e atencion di tur hende mester ta dirigi na con ta hiba Aruba dilanti, en bes di keda busca manera pa haci daño na nos Pais. #MinFIC