Encuesta rapido di Solo di Pueblo
Un encuesta rapido haci pa Solo di Pueblo den comunidad a duna un resultado sorprendente. E pregunta tabata simpel: kiko bo ta recorda di e prome 100 dianan di gobierno nobo di AVP Futuro?
Fiesta ta e prome cos na mente di pueblo
E contesta mayoritario tabata cu e unico cos cu pueblo ta recorda bon, ta fiesta. Segun e encuesta, pueblo a menciona fiesta den Caya Betico Croes, fiesta di inauguracion, y hopi otro tipo di fiesta cu e gobierno a organisa den e prome 100 dianan
Algun a contesta: Mike de Meza, algun otro a recorda e hefe di prensa deteni bao influencia.
Nada di otro logro no ta den memoria di hende
Esaki ta crea un preocupacion serio: pueblo no por menciona ningun otro logro di e gobierno. Ningun proyecto importante, ningun cambio administrativo, ningun plan concreto a keda den mente di e hende cu a wordo puntra. Solamente fiesta.
Percepcion di pueblo ta importante
Cu otra palabra, segun e encuesta, e percepcion actual di pueblo ta cu den 100 dia no a pasa nada significante, fuera di fiesta. Esaki ta mustra un falta di comunicacion o un falta di logro real cu por impacta e pueblo den su bida diario.
Un refleho di prioridadnan di e gobierno?
Ta importante pa e gobierno nobo tuma nota di e resultado di e encuesta aki. Fiesta ta importante pa un rato di union, pero si pueblo no ta mira otro tipo di resultado, esaki ta refleha e ora cu e prome 100 dia gobierno a haya un “dikke onvoldoende”
.
