Rda-gate: E saga ta sigui… Un famia a bira miyonario inmerecidamente

Ainda e raport forensico di RDA no ta completamente cla, pero loke a sali na cla te awor ta desastroso y por wordo califica sin duda como e fraude mas grandi di siglo. E rapport a trece masha hopi cosnan dilanti, cu awor lo mester sigui amplia e investigacion, cual mas cu claro lo bay wordo haci dor di Ministerio Publico.

RDA-gate: Dos minister a yuda amigonan den maldad pa konkel y horta sin misericordia den RDA

E consequencia di e ladronicia den RDA ta awor cu trahadornan di FMSA no por cobra bonus di fin di anja, pasobra placa a caba!

Mientrastanto, drumi riba nan lomba den airco, e socionan hunto cu Patrick Paskel tabata studia con pa sigui hinka man den RDA pa sigui fiesta na grandi cu placa cu definitivamente no ta di nan. Tur esaki cu amplio coperacion di Mike Eman y Mike de Meza. E ponencia cu e rapport di RDA no a mustra nada robes, ta un “wish full thinking”. E rapport ta mustra precies con e robo a tuma lugar, unda a viola e principio di statuut di e compania, unda lo mester traha na bienestar di e compania, y no na bienestar di compinchinan di AVP. Aki ta unda cu Ex Minister Mike de Meza lo bira tambe penalmente responabel pa a participa na e malgastamento di placa di 21 miyon florin

Asalto riba RDA

Un compilacion di e tantisimo asaltonan riba RDA pa henter Aruba compronde pakico e hendenan aki nunca mas mag por pone un stap den cualke oficina o edificio di Gobierno of nvnan di Gobierno mas, pasobra nan presencia so caba ta spanta hende drechi.

Ya SOLO a skirbi caba riba e tantisimo cobransanan di Patrick Paskel, unda cu den tur ministerio e la hinca su man, pa asina coy mas di 10 miyon hinca den su saco violando tur etico como tambe e Code of Principles cu nan a trapa cu ambos pia y awor lo skirbi un poco riba e forma con trabounan a wordo duna na Patrick Paskel sin cu tabatin destaho publico.

Sin destaho publico tur trabou tabata bai semper pa un grupo di amigo y scrutinando e amigonan aki a resulta cu e vocero di Mike, Patrick Paskel, pero tambe pa compania di otro parlamentarionan, conseheronan y hasta ex minister, den caso di Horizon.

E biaha aki SOLO DI PUEBLO lo concentra riba e negoshi Tera Group y lo bin bek riba cada otro negoshi pa mustra con nan a asalta fondo publico haciendo asina un giga fraude den RDA.

125 MIL DEN SACO DI PATRICK PASKEL:

Rapport di RDA ta mustra con Patrick Paskel a cobra 125 mil florin pa apetura di refineria, unda a laga trece Destra Aruba pa duna concierto. Laga nos ta bon cla, esaki no ta pago haci na Destra. Esaki ta pagonan pa haci “show y fanfaria”. Aki por mira un cobransa di 23 mil florin cu Patrick Paskel tambe a cobra pa traha video. Tur esaki ta rond di e fechanan di un supuesto apertura unda a trece Destra Aruba. A tene celebracion na grandi, sin cu nignun dia e refineria a habri. Tur esaki awor ta wordo mira como decision robes, pasobra esnan cu mester a salvguardia placa di e compania, a haci net lo contrario. A habri man laga bay! A otorga sumanan grandi, cu solamente un e-mail washi washi cu Paskel a manda! Ministerio Publico tin hopi trabao como tambe pa bay mira si tur e sumanan aki a wordo declara na belasting.

Ex Minister Mike de Meza hunto cu Destra.

LEAVE A REPLY

Please enter your comment!
Please enter your name here