Den e caso di Avestrus cu ta bolbe bin dilanti na corte dia 13 di mei, lo trata e hecho cu diferente compania a hasi donacion substancial na Benny Sevinger y su fundacion.
Esaki a lanta pregunta riba legalidad y intencion tras di e donacionnan aki. Ministerio Publico a bisa cu e donacionnan aki mester ser considera como actonan personal di e directornan di e companianan. Esaki no solamente ta pone pregunta riba posibel caso di corupcion pasivo, pero tambe riba e rol di companianan den politica di Aruba.
Companianan manera Pristine Estates NV, Milero Investments NV y The Merlin Group NV, cu ta dedica na construction y desaroyo conercial den realestate, ta wordo menciona spesificamente den e investigacion.
E pregunta ta surgi con ta posibel cu e companianan aki ta hasi donacionnan substansial, di cientos di miles di florin na un minister cu ta encarga pa tuma decision pa otorga tereno, mientras nan ta na mes momento den negoshacionnan importante cu e mesun minister tocante e terenonan aki.
E investigacion ta indica cu e donacionnan posiblemente ta sirbi pa mehora e relacion cu e minister y asina logra resultadonan favorabel den e negosacionna . Aunke tin otro posibel motibonan pa e donacionnan, e importancia di transparencia y integridad den situacionan manera esaki ta di suma importansia.
E hayazgonan ta enfatisa e necesidad di supervision stringente riba e relacion entre companianan y politiconan, y ta yama pa mas transparensia y cuenta den politica y negoshi.
