Diaranson mainta, Lider di SADA, Sr. Maduro a tene un rueda di prensa pa asina informa cu e tin sosten di 15 sindicato, pa asina pidi Gobierno un reunion riba e recorte di salario di 12.6% y otro medidanan relaciona cu covid.
Diamars, 15 sindicato a bini hunto, pa asina manda gobierno un carta pa pidi un reunion. Sr. Maduro ta contento di mira e forsa aki.
Esaki no ta un cuestion di bay den guera, pero pa yega na solucion pa pais Aruba y pa e miembronan di sindicato.
E sindicatonan ta: FTA, SEPPA, SINBA, UEA, ALVAST, SIWA, STT, SADA, SIMAR, SPA, TOPA y OPA.
Pues, e peticion di sindicatonan ta: Con a para cu nan recorte di salario di 12.6%. Nan kier haya claridad riba loke lo bay pasa cu nan salario.
Segun Maduro: “Nos a haya straño cu kier trek erbij crisis team, pero esey ta un parti, pasobra over di salario, ta gobierno tin cu atende esaki, y esaki no tin nada di haci cu crisis team”‘.
Sindicatonan a keda straña cu e reaccion di Prome Minister, cu kier bay atende esaki den crisisteam. ATA ta mira cu turismo a pick up liher. Sindicato di Aduana ta mira esaki na airport, cu masha hopi turista ta yega. E turismo a pickup y ta algo positivo.
Esaki ta motibonan cu sindicatonan kier reuni cu Gobierno pa haya sa riba futuro di recorte di salario.
