(Foto di grupo Arubiano). Solo di Pueblo a wordo aserca pa familiarnan na Aruba pa informa cu tin un grupo di 19 Arubiano pega na Isreal.
E informe ta sigui bisa cu nan tabata cla pa sali di Isreal ora cu nan vuelo di Turkish Airlines a cancela. Ta casualidad cu nan vuelo di regreso tabata pa diadomingo.
Nan a bula di Amsterdam pa Turkia y Turkia pa Isreal.
Manera ta conoci, Isreal ta den guera cu Hamas y no por descarta escalacion di e situacion.
Merca a manda alerta pa su cuidadanonan pa ta cauteloso y si nan desea pa bandona Isreal, por hasi esey di acuerdo cu vuelonan disponibel.
Diasabra, Hamas a lansa algun mil ( 2500) raket riba Isreal. Nan a infiltra seguridad di Isreal y a mata varios na e frontera cu Gaza.
Mientrastanto ta activando embahda Hulandes na Isreal pa asisiti e 19 Arubianonan y agilisa nan regreso pa Hulanda.
Te cu awor e grupo ta mantene trankilidad, pero ta basta precupa.
Solo di Pueblo ta hasi un yamada na Departamento di Relacion Exterior pa nan intermedia pa e grupo aki na embahada Hulandes.
