Despues di dos edicion hopi exitoso, e DOCUMENTARY BOOTCAMP ta bolbe ZOMER 2025: Dialuna 14 pa Diasabra 26 di Juli.
Durante dos siman e participantenan ta siña tocante e arte di “filmmaking”. Usando e estilonan di documentario lo siña con pa y lo produci un short film final – y si… tin un estilo di documentario cu ta completamente ficticio!
Si bo kier sa mas, bishita e pagina di Facebook, IG of BlueSky di Rebecca Roos Productions. Tambe por bay di biaha pa e formulation di registration na https://forms.gle/oxKtkxm5wveDTiqx8 unda tin mas information detaya tocante e tayer.
Idioma di instruccion di e workshop ta Ingles, pero pa esnan cu tin problema cu esaki por tin extra splicacion na Papiamento, Hulandes of Spaño. E tayer ta guia pa Filmmaker Rubiano Rebecca Roos, cu a duna varios tayer di filmacion ambos na Aruba y internacionalmente.
Durante e workshop e participantenan lo siña e principionan basico di filmmaking. E prome siman (dialuna te cu diasabra) lo ta dedica na visual storytelling y desaroyo di un storia. Na mes momento ta siña e basis minimo di operacion di camera, audio y editing. Na un manera hopi interactivo e participantenan lo prepara nan propio proyecto pa pitch na final di e siman. Durante e di dos siman lo produci e proyectan cu a gana e pitch, for di filmacion te cu editing, marketing y PR. Diasabra 26 di Juli e short filmnan final lo estrena durante un screening pa publico.
E tayer ta tuma lugar na Museo Arqueologico Nacional Aruba. E alrededor historico, e bario y e hospitalidad y partnership generoso di MANA a prueba di crea un ambiente inspirador pa e workshop hopi intensivo aki.
Edad minimo pa participa ta 16 aña y no tin mester di equipo di filmacion of computer pa participa, lo tin suficiente equipo pa tur participante traha optimal. Si bo tin bo propio equipo, naturalmente por terce esey tambe.
Despues di e Documentary Bootcamp, na September 2025, e tayer “Desaroya Bo Propio Pelicula” lo bolbe (2 anochi pa siman pa 6 siman) y lo cuminsa cu un tayer nobo “Basic Camera Operations” (2 atardi pa siman pa 6 siman – edad minimo 14 aña).
