Actual Prome Minister di Sint Maarten Sra Silveria Jacobs lo wordo reemplasa pa Luc Mercelina despues di mas di cuatro aña.
Premier Jacobs su Partido Aliansa Nacional Social Democrata a perde dos di su seis asiento den eleccion di diahuebs ultimo, pero tabata spera cu e lo a gana e mayoria necesario di ocho asiento cu su partner di coalicion, Partido Popular Uní, y un di tres partido. Pero esaki a resulta di ta un problema den e ultimo dianan.
E gabinete nobo pa e siguiente cuater aña ta consistí di un coalicion di 4 partido chikito di oposicion cu a gana dos asiento cada un.
Luc Mercelina di e partido Unified Resilient St. Maarten Movement, tambe ta participa e Partido Democratico di ex-premier Sarah Wescot-Williams, kende tabata prome minister di 2010 pa 2014. E otro dos partnernan di e coalicion ta partido nobo: Nation Opportunity Wealth y Party for Progress.
Formalisa un acuerdo di gobierno cu cuater partido no ta parse un tarea facil.
E cuater partidonan ta parse di a benefisia prinsipalmente di e popularidad di Prome Minister Jacobs. E prome minister a haci campaña riba e temanan di orden y stabilidad, pero a ricibi notablemente poco voto preferencial.
Un di e reprochanan cu e residentenan ta haci na gobierno ta cu tin hopi poco mehoracion den infrastructura, manera camindanan den mal estado y hopi biaha caminda cera. Esaki ta particularmente importante pa turismo, e fuente principal di entrada di e isla. Ademas, durante e campaña, a papia hopi di prijsnan halto, sistema di impuesto y siguridad.
‘Acuerdo histórico’
E gobierno nobo, cu tin un mandato te cu 2028, kier enfoca riba sostenibilidad, crecemento economico y bienestar social. Miembronan di e coalicion a papia den un comunicado di prensa riba diasabra di un acuerdo historico y e comienzo di un era nobo di gobernacion colaborativo, pero redacta un acuerdo di gobierno di cuatro partido no ta parce un tarea facil. E gabinete nobo ta e di diesun gobierno den 14 aña. Na 2010, Sint Maarten, hunto cu Curacao a bira pais autonomo den Reino, manera Aruba desde 1986.
E futuro prome minister Mercelina ta yega na poder cu poco mas cu 2.000 voto. Riba 11 di januari, casi 15.000 residente di Sint Maarten a vota, un partisipacion di 65 %. Esey tabata mas cu 5% mas halto cu na 2020. Esaki ta e prome biaha desde 2014 cu e asistencia a aumenta atrobe.
Resultado di eleccion ta: Now 2
UPP 3 / PFF 2 / URSM 2 / NA 4 / DP 2
