Den hora di diamars marduga un total di 5 ilegal a huy for di Warda nos Costa na Dakota.
E 5 personanan aki ta cera hunto den un container-cel.
Na un forma inesplicabel nan a corta candal y logra habri porta, sali pafor, bula cura y perde den anochi scur.
Segun SOLO a bin compronde, 5 o 6 personal tabata riba turbi di nachtdienst mientras uno a wordo manda cas, pendiente investigacion riba e susedido aki.
E personal parce no tabata sa mes cu e ilegalnan aki a huy, te cu mas mainta ora di pasa controla, banda di 4or o 5or di marduga.
SOLO DI PUEBLO a compronde cu Warda nos Costa no tin camera di seguridad, cual ta algo masha straño. Un centro asina, mester por tin camera den su tereno pa yuda vigila.
