Resumen pa awe di casonan di COVID-19 na Aruba.
ORANJESTAD- 14 augustus 2021. Segun resumen di awe 128 persona a recupera y un total di 102 caso nobo di COVID-19 a keda registra cual 17 ta turista y 85 ta residente. E cifranan aki ta representa un ‘Positivity rate’ bou di nos residentenan di 24%. Cantidad di casonan activo di COVID-19 pa awe ta 1151 y cantidad di fayecidonan relaciona cu COVID-19 a aumenta na 116. Forsa na famia di e fayecido.
Datos ta ilustra subida di casonan nobo cu un average semanal di 125 caso pa dia y un average di ‘positivity rate’ semanal di 31% pa dia.
Hospital tin actualmente 52 persona interna di cual 7 ta den ICU, 41 riba piso general, 3 riba piso di maternidad (hende muher na estado) y 1 riba pediatria.
