Cinco comportacion cu ta daña e amor di un pareha
Bo pareha y abo merece un relacion cu ta crece y bira mas fuerte cu tempo. Nos ta invita bo pa conoce cinco cos cu ta daña amor y asina baha e chensnan di un separacion.
![](https://solodipueblo.com/wp-content/uploads/2024/07/WhatsApp-Image-2024-07-07-at-7.07.16-PM-3.jpeg)
Cinco comportacion cu ta daña amor di pareha
Un relacion amoroso ta un fuente di hopi placer y satisfaccion. Sinembargo, durante e union tin discusionnan cu ta causa stress, angustia y hasta trauma, pasobra ta pasa cosnan cu ta daña amor. Hende ora nos ta den pareha, nos ta asumi comportacion cu ta logra causa distanciamento of ruptura.
E stress cu nos ta sufri individualmente, por afecta nos relacion, sintiendo nos no comprende cu situacionnan diario, violando nos salud fisico y psicologico. Ta importante pa purba compronde e sentimentonan di nos compañero pa resolve e diferencianan di opinion.
![](https://solodipueblo.com/wp-content/uploads/2024/07/WhatsApp-Image-2024-07-07-at-7.07.16-PM-2-1024x768.jpeg)
Con mal actitudnan ta deteriora relacionnan di pareha?
Un relacion di pareha ta un vinculo sentimental cu ta uni sernan humano, pasobra e ta crea un conexion emocional, afectivo y intimo cu compromiso y sosten mutuo. Hende ta comparti nan bida, experencia, soño i meta, dor di biba hunto y uni den namoramento of matrimonio.
E comportacion di e individuonan ora nan ta biba den pareha ta referi na e accion-, actitud- y comportacion cu cada un ta asumi den e relacion. E forma di accion aki ta consisti di amor, respet, confiansa y empatia.
Sinembargo, hopi biaha nos ta biba momentonan negativo. Un bon relacion di pareha ta contribui na nos salud emocional y psicologico, pasobra e ta influencia nos satisfaccion, stabilidad y bienestar.
Aspecto cu ta daña amor
Hende ora nos ta biba den pareha nos ta comete erornan cu ta deteriora nos relacion. Poco comunicacion, falta di respet, compromiso, empatia y poco apoyo emocional ta cosnan cu ta daña amor, como tambe e siguiente comportacionnan:
1. Abuso
Abuso den un relacion di pareha por causa daño significativo na nivel emocional, psicologico y fisico. E situacion aki ta deteriora confiansa i respet mutuo den e relacion, creando un ambiente toxico y destructivo.
Un ehempel di abuso verbal y emocional ta ora e ta critica bo manera di cushina of bisti pa bay trabou. Otro forma ta ora bo ta prohibi bo di sali cu bo famia, amigonan of colega di trabou. Nos ta den manipulacion, control excesivo, intimidacion y menosprecio. E actitud aki ta afecta bo pareha su autoestima, y por causa ansiedad y depresion.
E persona cu ta ataca por bisa bo: “bo no sa nada di loke bo ta bisa!”o” keda keto!». Tambe tin agresion fisico cu actitudnan manera cera un porta of sconde bo yabi, incluyendo menasanan pa bo y bo sernan keri.
![](https://solodipueblo.com/wp-content/uploads/2024/07/WhatsApp-Image-2024-07-07-at-7.07.16-PM-1.jpeg)
2. Incomprension
Otro di e cosnan cu ta daña amor ta incomprension. Den nos bida diario nos por sinti nos relega, generando mal comprondemento y conflicto, ya cu nos ta kere cu nos preocupacionnan of perspectivanan no ta ser compronde bon.
Algun pareha ta biba den discusion constante pa desacuerdo, te hasta duda di sinceridad y nan compromiso. Nos por sinti esaki ora nos yega for di nos actividadnan riba caya y kere cu nos no ta haya sosten cu e debernan di cas of e educacion di nos yiunan.
Pa evita cu incomprension ta daña nos relacion, ta fundamental pa fomenta comunicacion habri y honesto, practica empatia, tratando di compronde e emocionnan y sentimentonan di otro.
3. Desunion
Si desunion ta instala den un relacion, e comunicacion ta wordo afecta. Pareha por tin dificultad pa expresa nan opinion y necesidadnan efectivo, cu ta conduci na mal comprondemento y presentimento.
Tin biaha desunion por afecta intimidad fisico y emocional den un relacion di pareha. Un muestra ta ora cada miembro di e pareha, tuma decisionnan transcendental individualmente. Compañeronan por experimenta un disminucion den intimidad sexual y un falta di conexion intimo, pa motibo di falta di proximidad emocional.
4. Poco expresion afectivo
Ora bo no ta comparti bo experencia of sintimento, bo ta trece un problema di comunicacion. E falta di expresion afectivo den un relacion por tin un impacto negativo riba varios aspecto.
Expresion afectivo ta fundamental pa establece y mantene un conexion emocional solido. Ora tin poco, pareha por sinti nan distante y desconecta, generando un sensacion di soledad y frustracion.
E ta mustra bo cariño dor di haci bo pareha sinti nan mes stima cu detaye chikito, manera preparando un cena pa papia di e experiencianan di e dia of haci plannan pa e fin di siman.
5. Desconfiansa
Desconfiansa ta crea bareranan den comunicacion, pasobra e ta haci informacion scondi of evita combersacion, cu ta haci conexion emocional dificil.
E pareha por sinti duda i sospecho tocante e accionnan i motibonan di e otro. Esaki ta genera un ambiente di tension y stress cu hopi biaha no ta trata. Ta importante pa atende e punto aki pa evita situacionnan di jaloezie sin fundeshi of mal comprondemento cu tin e tendencia pa daña e relacion.
Cuida bo pareha
Relacionnan ta uni dor di un sintimento maraviyoso cu por trece goso y felicidad na nos bida. Sinembargo, tin actitudnan of situacionnan cu ta daña amor, hacie vulnerabel. Entre e compartimentonan principal cu por deteriorie ta abuso, desunion, incomprension y falta di capacidad expresional. P’esey mester siña comunica corectamente cu e pareha.
Egoismo y falta di compromiso ta deteriora afectonan ora solamente necesidadnan personal ta ser pone dilanti. Pero mehorando e comportacion, e relacion ta consolida. Hunto nan por fortalece nan amor!