Radar a capta e boto

Un total di 8 ilegal a wordo gara den tremendo cooperacion entre KPA y personal di Kustwacht.

Den oranan di madruga RADAR a detecta un boto drentando na altura di Baby Beach. Den cuadro di bon cooperacion y cu bon coordinacion KPA y Kustwacht a logra intercepta e boto riba lama cu nomber di “Nuestra Primera Vez”. Abordo tabatin 8 hende homber tur di nacionalidad Venezolano. Simultaniamente unidadnan di San Nicolas a bay blokia full e area di Baby Beach si dado caso un tripulante lo por a landa jega tera.

E capitan a wordo deteni y entrega na e recherchenan di Unit mensenhandel mensensmokkel cu lo sigui cu investigacion. E demas tripulantenan a wordo traslada pa Guarda nos Costa.

E caso ta den pleno desaroyo y e investigacion lo sigui su curso.

LEAVE A REPLY

Please enter your comment!
Please enter your name here