Diaranson 16 di februari 2022 Aruba mester conmemora 80 aña cu Aruba a Experencia un día den Guerra. Fundacion Rancho ta sigui sostene y traha pa dia 16 di februari bira un dia pa recorda e Segunda Guera Mundial 16-02-1942. Caminda cu tin masha hopi información documenta y cu ainda falta pa documenta. Pa asina nos por sigui educa y re-educa nos mes y futuro generacion.
E biaha aki ta toca turno na 80 aña di e Historia di Segunda Guera Mundial, pa ser excacto e dia cu e submarino U-156 a torpedia algun tankero dilanti nos costa di Aruba den area di e Rafineria. E aña aki Aruba ta recordando 80 aña di e sucedido, caminda cu Aruba a hay’e confronta cu e Segunda Guera Mundial di 1942. Pa algun tempo caba nos Historiadornan manera Sr. Clyde Harms , Sr. Dufi Kock y Sr.Leo Maduro y mas interesadonan cu a busca masha hopi informacion tocante Segunda Guera Mundial pa e Historia di Aruba. Caminda cu tin diferente buki tocante e tema aki cu colaboración di e Historiadornan aki Arubiano. Pa 16-02-2022 nos tin Sr. Bastiaan Van Der Velden un investigador y profesor di “Vrije Universiteit” di Amsterdam y den colaboracion cu Universidad di Aruba ta presenta 80 diferente artículo di Corant rond mundo cu a pone e noticia di e sucedido di 16-02-1942 na Aruba.
