Genesis 1:26-27 : E or ey Dios a bisa: Laga Nos traha hende segun Nos imagen , conforme Nos semehansa y laga nan goberna riba e piscanan di laman,y riba e parhanan nan di celo y riba e bestia nan di cria,y riba henter e tera, y riba tur bestia cu ta lastra riba tera.
Dios a crea hende segun Su mes imagen,segun e imagen di Dios E a crea hende, homber y muher E a crea nan.
Efesionan 2:10: Pasobra nos ta e obra di Su man, crea den Cristo Hesus pa bon obranan, cualnan Dios a prepara di antemano pa nos cana den nan.
1 Corintionan 6:19 ta para scirbi: Of boso no sa cu boso curpa ta tempel di Spirito Santo, Kende ta den boso,kende boso tin di Dios, y cu boso no ta pertenece na boso mes.
Tin hopi hende no ta balora nan bida, nan ta pone nan bida na peliger, den trafico, usando droga, bebiendo alcohol, bibando un bida di inmoralidad y parandiamento.
Tin hoben cu ta corre scooter y brommer sin lus anochi y ta hop e scooter tambe.
Tin hoben cu ta kere cu nan tin varios bida y ta expone nan mes na peliger y ta coriendo scooter/bais/auto sin lus anochi.
Ta parce manera no tin polis riba caya, y e hobennan tin un happy hour y happy live sin tene cuenta cu nan ta pone bida di otro hende na peliger.
Hopi biaha ora un relacion termina, bo ta mira e cabayero ta bay bebe of droga pensando cu asina e cos lo bay duel e mucha muher pa locual e ta haci cu su curpa, y e no ta balora su bida, y e mucha muher ta sigi biba normal.
Di otro banda tin mucha muher ta pensa cu ora un relacion kibra, nan ta bay drenta cu diferente guy pensando cu esey ta duel e mucha homber, y asina nan no ta balora nan bida. Y e mucha homber ta sigi biba normal.
No haci ningun danjo cu bo curpa, of na bo curpa y pensa cu otro lo hanja duele, pasobra bo mester balora bo bida, cu Dios a duna bo.
Bo ta locual Dios a traha pa bo ta, manera Bijbel ta bisa, sea bo ta Homber of bo ta Muher, no cambia nada den bo bida of na bo curpa sea pa opinion di hende of pa influencia di diabel.
Reconoce Dios den bo bida, y somete bo mes na Dios, pa asina bo balora bo bida y e enemigo no tin lugar pa drenta den bo bida.
Tene bon cuenta cu locual e palabra di Dios ta bisa tocante hende cu no ta hanja ta necesario pa reconoce Dios den Romanonan 1:28-32 pa asina bo balora bo bida, y no biba un bida bruha.
Mira ki amor grandi e Tata a duna nos, cu nos por wordo yama yuinan di Dios, y esey nos ta.( 1 Juan 3:1).
Ta imposibel pa bo ta yiu di Dios, anto bo ta kere cu bo por biba manera bo kier, anto Dios no tin nada di bisa den bo bida.
Den 2 Timoteo 3:1-5 ta mustra nos cuanto hende awendia ta pensa asina, door di hiba un bida cu no ta agrada Dios, y nan no ta tene cuenta cu boluntad, ni tampoco principionan di Dios.
Ma Dios a demostra Su mes amor pa cu nos den esaki, cu tempo nos tabata pecador ainda, Cristo a muri pa nos.( Romanonan 5:8).
Balora bo bida, no biba con cu ta, kibra tur contacto cu e mundo di scuridad.
Sinceramente, Pastor Marcel Balootje
