Diabierna anochi a drenta informe di un accidente cu hende herida na Savaneta, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un pick-up no a regula su velocidad ni a mantene distancia y ela bay dal basta duro tras di un Hyundai Grand i10 maneha pa un dama. Debi na e fuerte impacto ambos chauffeur a resulta herida. Na yegada di e ambulans nan a atende ambos victima y a transporta nan pa hospital.
