Parlamentario Endy Croes ta lamenta e direccion cu Minister actual a tuma pa cu aumento di salario di docentenan. AVP na 2016 a produci un rapport ‘Functiehuis’. Lamentablemente esaki a keda tira den lachi. Baba Herde tabata Parlamentario di 2009-2017, Marlon Sneek y Jennifer Reyes tabata Parlamentario di 2013-2021.
Mervin Wyatt Ras tambe tabata Parlamentario di AVP di 2010 pa 2025.
Ningun Parlamentarionan di AVP no tabata tin interes pa pidi pa yama un Reunion Publico pa trata y aproba e Functiehuis momento nan propio gobierno tabata na mando.
Nan tur a sconde informacion y no tabata sincero cu e veld di enseñansa? Mi lo splica esaki awe.
Salaris nan proponi den ‘Functiehuis’ lo surpasa salarionan di BRA:
E ‘salarisschalen’ proponi den ‘Functiehuis’ pa enseñansa prepara pa AVP e tempo aya a resulta di lo surpasa salarionan regla den BRA. ( Bezoldigings Regeling Aruba). Es decir si a dal bay pa aproba y implementa esaki e lo a crea un ‘scheve verhouding’ pa cu tur otro salarionan di otro departamentonan di gobierno. Esaki ningun hende di AVP nunca a sali bisa of splica y a prefera di laga e ‘Functiehuis’ tira den lachi.
Gabinete Wever Croes 2 a escohe un rumbo diferente:
Pa por logra algo sigur pa e docentenan mester escohe un otro rumbo unda por trece cambionan den margen di ley na un manera mas rapido. Un Comision di expertonan incluyendo representacion di SIMAR a yuda traha riba un conseho ‘Leerkracht Beter betaald, Onderwijs Beter Behaald’. Esaki a keda cla y a presenta 4 opcion den luna di mei 2024. Gerlien Croes a gaña recientemente den Parlamento cu esaki lo costa 34 miyon pa anja. Un di e 4 opcionnan lo costa gobierno 11 miyon pa aña unda lo a ‘trek recht’ varios aspecto y alavez tur docente lo a bay dilanti den nan salario. Esaki lo wordo regla atravez di e ‘Landsbesluit Bezoldiging Onderwijspersoneel’( LBBO) y asina por logra e cambio mucho mas rapido. Intension tabata pa introduci esaki den luna di Augustus 2025
Nos ta lamenta cu Gerlien a corta den enseñansa asina cu el a tuma over:
No obstante Gabinete Wever Croes 2 saliente a laga e conseho y e placa cla pa por ehecuta esaki nos a tuma nota cu e Minister encarga no tin e boluntad. Dia 28 di Maart 2025 momento e Coalicion nobo a aproba presupuesto 2025 nan a corta 2.9 den enseñansa banda di a corta 17 miyon di FCCA y 6.3 miyon den Husticia y Social. Den luna di Augustus recien den presupuesto supletorio a bolbe corta 3 miyon “structural”den salario di docentenan. Si lesa e ‘vierde uitvoeringsrapportage ‘(UR) di 2024 CAFT ta skirbi cu tin un Surplus di alrededor 477 miyon. Esaki ta e 500 miyon cu nos semper a papia di dije. Pues esaki ta e prueba cu nos a traha e placa y e placa te’y pa e aumento di salario pa e docentenan. E aumento lo costa 11 miyon pa aña di cual e Docentenan sigur merece. Pa esaki awor Gerlien kier hasi ful un drama. Nos ta bolbe enfatisa di ta lamenta masha hopi e maneho di Gerlien Croes riba e tema aki. Duna e maestronan lokual nan merece. E trabou tabata cla. Cumpli awor!
Y ta pesey a escohe un otro rumbo, pa trese e cambionan den margen di ley, na un manera mas liher, unda solamente lo cambia e Landsbesluit Bezoldiging Onderwijspersoneel LBBO.
- Minister por splika si a ricibi e conseho final di DRH
- Por comparti esaki cu Parlamento, ter inzage
- Dicon no a escohe un opcion y introduci esaki ainda?
- Por duna un stemadvies riba e motienan entrega awe y motiveernan?
Adviescommissie Restructuracion Salarial di Maestronan:
Aviescommissie aki di cual SIMAR a forma parti a traha desde november 2023 riba un conseho pa e minister anterior. E conseho final aki ta firma pa tur experto incluso SIMAR. Nomber di e documento ta “ Leerkracht Beter Betaald, Onderwijs Beter Behaald”.
A laga esaki kla cu 4 opcion pa por escohe for di dije. Desde Juli 2024 e documento aki tabata na DRH pa conseho final pa asina por ehecuta un desicion momento aña escolar nobo 2025-2026 inicia. Opcion 1 gelijktrekking varios schaal cu lo costa rond 4.6 miyon plus despues di gelijktrekking un aumento di 4% pa tur schaal cu un costo di 6.7 miyon. Total esaki lo costa gobierno 11.3 miyon pa aña. A laga 500 miyon florin di Surplus den caha pa por ehecuta esaki. Kiko ta e problema real cu ainda Gerlien serefina den jet no por a duna poko mas atencion y contenido real na esaki? Gerlien kisas ta demaciado den avion? Por a nota cu den 4 luna di trabou como Minister Gerlien a biaha na 3 ocasion. A bay Hulanda, Republica Dominicana y actualmente ta na Paraguay mientras scol ta den habri y e salaris di docentenan no a wordo regla. Parlamentario Croes ta lamenta e forma di traha di Gerlien Croes y a bisa cu poko mas boluntad, amor y pasion pa Bo trabou Bo por a logra esaki pa e aña escolar 2025-2026. No obstante esaki Gelien Croes a corta 2.9 miyon den enseñansa 28 di maart 2025 momento e Coalicion nobo a aproba e presupuesto 2025. Mas tristo ta cu actualmente den presupuesto supletorio cu ta na Parlamento y lo wordo trata awor den luna di Augustus Gerlien ta bay corta otro 3 miyon den enseñansa hustamente den salaris di docentenan. Ta yega ora pa Gerlien duna cara di berdad na docentenan. Modela y saca selfie kisas ta bon pa bende Bo mes pero banda di esaki trabou di Minister ta pa tuma desicion y ehecuta un plan. Nos lo keda hasi nos trabou pa controla gobierno y informa pueblo.
