Palabra di Dios, ta puro y santo y no por wordo usa como obheto di competencia pa wak ken ta mas
sabi, pasobra ningun hende no ta mas sabi cu Dios.
Den 2 Timoteo 2:14-16 Pablo ta bisa lo siguiente: Recorda nan e cosnan aki,y ordena nan den e presencia di Dios, pa no pleita tocante di palabra, locual ta inutil, y ta hiba na ruina di esnan cu ta tende.
Haci tur bo esfuerso pa presenta bo mes aproba dilanti di Dios,manera un trahado, cu no tin motibo pa tin berguensa, cu ta parti e palabra di berdad na un manera corecto.Ma evita papiamento mundano y bano, pasobra esaki lo hiba na mas impiedad.
Pablo ta bolbe recorda Timoteo den versiculo 22-26 pasobra Timoteo tabata un hoben.
Awor huy pa e pasionnan di hubentud,y busca Husticia, Fe, Amor, y Pas, hunto cu esnan cu ta yama na Senjor di un curason puro.
Ma rechasa speculacion bobo y ignorante, sabiendo cu nan ta produci pleito.
Y e sirbido di Senjor no mester ta:
Pleitado,ma carinjoso cu tur hende,
Cu capacidad pa sinja,
Cu pasenshi ora e wordo trata inhustamente.
Cu ta coregi cu suavidad, esnan cu ta den oposicion,
Pa kisas Dios duna nan repentimento, cu ta hiba na conocemento di e berdad,y nan bin na nan sano huicio y scapa for di e trampa di diabel, den cual e a tene nan preso pa haci su boluntad.
Y conocemento biblico ta masha importante pa nos bida, pero mas importante ta con nos ta biba e Palabra, pasobra ta nos manera di biba ta demostra con e palabra a drenta nos curason, y con e palabra a cambia nos bida.
Pasobra asina ta wordo demostra cu nos a compronde e palabra y nos tin respet pa Dios.
Hopi biaha tin hende gusta pleita of debati tocante e palabra di Dios, pasobra nan ta rebelde, y no gusta coreccion y nan ta busca manera pa haci politica, wak cu nan por scapa for di gara di e palabra, cu den tur caso Senjor tin rason.
Pesey no ta bon pa pleita ni debati cual ta un forma sofistica pa resisti y compara e palabra na un nivel mundano y carnal, haciendo politica , pero esey no ta cambia nada , pasobra e ta lanta rabia di hende , y na final di e debate pica ta keda pica, pa tur hende, no tin distincion di rasa of color,
Hopi hende ta purba modernisa e palabra, of actualisa e palabra , treciendo formanan mundano , pa hala atencion di hende, pero locual tin cu pasa ta , cu hende mester scucha y somete na e palabra, pa asina yega na arepentimento, aparta for di pica y comberti na Cristo Hesus.
Nos tur a haci pica, y nos tur mester yega na e conocemento di palabra di Dios, pa asina nos por sali for di scuridad diabolico, y yega na Cristo Hesus kende ta e caminda e berdad y e bida.
Pasobra locual ta para scirbi no ta cambia, ni maske cuanto hende pleita y debati y ta para scirbi: Sinembargo e fundeshi firme di Dios ta para, seya cu e inscripcion aki: Senjor conoce esnan cu ta di dj’E, y laga tur esnan cu ta menciona e nomber di Senjor abstene di maldad.( 2 Timoteo 2:19).
Dios no ta gusta nada mescla, especialmente ora ta trata di Su palabra, pasobra e proposito di nos instruccion ta amor di un curason puro y un bon consenshi y un fe sincero.( 1 Corintionan 1:4-6).
Laga nos tur recorda locual ta para scirbi den Isaias 1:18-20.
Sinceramente Pastor Marcel Balootje.
