Den Josue 24:15 Josue ta bisa e pueblo lo siguiente: Si ta desagradabel den boso bista pa sirbi Senjor, scohe pa boso mes awe , kende boso lo sirbi, sea e diosnan cu boso tatanan tabata sirbi, cualnan tabata na e otro banda di Riu Eufrates, of e diosnan di e amoreonan , den kende nan tera boso ta biba, ma pa loke ta ami y mi cas, nos lo sirbi Senjor.
Y den juan 3:16 e palabra di Dios ta bisa nos tur momento: Pasobra Dios a stima e mundo asina tanto
Cu E a duna Su Yiu unigenito, pa ken cu kere den dj’E no bay perdi ma tin bida eterno.
Salbacion ta personal, pero ta nos deber como mayor pa guia nos yuinan den caminda di Senjor y lanta nan den disiplina y instruccion di Senjor. ( Efesionan 6:4).
Ta masha bunita, y ta nos obligacion pa nos cria nos yiunan , pa nan tin tur cos , cu nos por alcansa, pa nan tin cas, cuminda panja, no ta bon pa malcria mucha ora nan ta chikito, pasobra ora nan bira grandi, nan ta sali for di control, y nos tur sa cu un palo cu crece dobla ta dificil pa pone recht bek.
Ta bon pa un mucha ta bon studia, bon educa, bon karakter, atento cu bon manera cu tur hende pa nos por broma y bisa wak mi yiu con inteligente e ta.
Pero tin algo tambe cu mester wordo sigura , y esey ta e salbacion di nos yuinan, sigur sigur e relacion di nos yiunan cu Cristo Hesus, esey ta e seguro di mas grandi cu un mucha mester tin, y nos tin cu yuda nan pa scohe pa esey, pasobra nos tur sa awor cu sin salbacion no tin di speransa.
Ora un mucha ta chikito hende grandi ta scohe pe, pero ora e bira grandi e mester haci manera e palabra di Dios ta bisa den Romanonan 10:9-10: Cu si bo confesa cu bo boca,Hesus como Senjor y kere den bo curason cu Dios a lante for di mortonan, lo bo ta salba, pasobra cu curason hende ta kere pa hanja husticia, y cu boca e confesa ta pa hanja salbacion.
E manera cu mundo ta bayendo, e inmoralidad cu ta aumentando, ta haci un yamada grandi riba nos tur cu ta mayor pa nos ta interesa den nos mes salbacion y salbacion di nos yuinan, e cos aki no ta wega, pasobra como mayor nos tur tin kere den Cristo pa nos mes y nos cas lo ta salba.
Awendia nos ta mira muchanan ta bay den mal caminda, y bo ta tende mayor ta bisa , mi no por forse bay iglesia, ta e mes tin cu dicidi, awel mientras cu abo como mayor ta pensa asina e diabel ta destrui bida di bo yiu.
Ta tempo pa tur hende busca salbacion y bon relacion cu Cristo Hesus.Pasobra ningun hende no ta jong pa muri, y nos tur sa e gran realidad di bida cu despues cu un hende muri nada mas por wordo ahusta.
Hebreonan 10:27 ta para scirbi: Y mescos cu un hende ta destina pa muri un biaha so, y despues di esaki ta bin huicio. Asina Cristo tambe, Kende a wordo ofreci un biaha so pa carga e picanan di hopi hende, lo parese e di dos biaha, no pa carga pica,ma pa salbacion di esnan cu ta sper’E.
Salbacion y bida eterna tey pa tur esnan cu ta kere den Cristo Hesus.
Sinceramente, Pastor Marcel Balootje
