Den un carta cu a sali na superficie dialuna anochi via red social, por lesa cu director di Web NV a informa sindicato SIWA, cu nan lo stop e retencion di salario di empleadonan y lo bay over na duna e empleadonan nan salario completo.
Segun Director Oduber, cu el’a check y a bin haya sa cu tin varios otro compania di Gobierno cu NO ta retene salario di nan empleadonan y pues no ta aporta na FASE.
Na luna di Mei ultimo, Raymond Knops encarga cu asuntonan di Aruba, a pone un condicion cu tur enpleado di gobierno y nv’s nan mester entrega salario pa ta solidario. Recientemente den un rueda el’a declara cu e condicion aki ta continua den 2021 y tot nadere orde.
Si e decision di WEB NV lo tin conocimento di Gobierno y aprobacion, e carta no ta bisa. Tampoco por sa si e decision aki lo por tin un of otro implicacion pa Gobierno relaciona cu Hulanda.
Pa awor, Web Aruba NV lo a paga su empleadonan salario completo y no ta aporta mas na fondo di FASE.
