Tin hendenan cu no ta mira e berdad. Esnan cu ta complice di maldad y di ganjamento di un persona, nan tambe ta wordo condena pa motibo di complicidad, den Bijbel Proverbionan 29: 24, ta papia di ganjamento y di falsedad. Divorcio, infieldad y adulterio ta un pika grandi, lesa Bijbel 1 Corinthionan 6: 9 y 10. Tambe na esnan cu ta consulta na e bruhanan, na e mediumnan, den tarot etc., ta un pika grandi e ta, lesa Bijbel 1 Corinthionan 6 : 9 y 10. Na esnan cu ta consulta na e bruhanan, e mal influensianan diabolico ta keda rond di nan, pasobra ta nan mes a yamanan. Un hende cu no kier tende y cu no kier cumpli cu e berdad di Dios, e ta comete un pika di desobedensia. Ta con un hende por ta cu Cristo-Hesus y na mes tempo e ta cana riba e caminda di perdicion. Ta con un hende por ta den lus di Dios y na mes tempo e ta biba den pika. Den Bijbel 2 Corinthionan 6 : 14 – 16, ta bisa: “No uni boso cu hende cu no ta kere. Kiko husticia tin di haci cu maldad? Kiko lus tin di haci cu scuridad? No por tin harmonia entre Cristo cu satanas. Kiko un creyente tin di haber cu un incredulo?” Den Bijbel Efesionan 5: 11, ta bisa: “No participa na e actonan inutil di hende cu ta biba den scuridad, pero expone nan actonan.” Hendenan Cristian, cu sa e berdad di Dios, anto nan no mester keda den ignorancia. Den Bijbel Mateo 7: 4 – 5, ta bisa: “Ta con bo por bisa bo ruman: Laga’mi saka e stof di bo wowo y bo mes no ta mira e balki den bo mesun wowo?” Akinan e palabra di Dios ta splika, ta con un hende por bisa cu e ta un Cristian y mientras cu e mes ta bibando den pika? Den Bijbel Mateo 7: 21 – 23, ta bisa: “No ta tur hende cu ta bisa Mi: Senjor, Senjor, lo drenta den Reino di Cielo, ma esun cu cumpli cu boluntad di Mi Tata cu ta den Cielo. Dia di husticia, hopi lo bisa Mi: Senjor, Senjor, no ta den Bo nomber nos a profetisa, den Bo nomber nos a saka e demonionan y den Bo nomber nos a haci hopi milagernan? Anto lo Mi bisanan: Mi no conoce boso, kita bai for di Mi, bosonan hacidornan di maldad.” Esaki ta e mesun palabranan cu Hesus lo bisa, na esnan cu ta uni y anda cu hendenan robes den pika.
Seferino Tromp
