E siman cu a pasa tabatin dos veredicto contra mi persona di sindicato SEPPA y e cooperativa CAPA, pa rectificación, unda claramente e Juez no a haci un debido trabao.Mi ta bay splica di con!
Awe mi ta bay scirbi un reacción ariba e veredicto SEPPA vs Wolff. Prome e acusacion di SEPPA ta contra mi persona, mientras e comunicado ta di Comision 11 cual a Sali publica den e matutino Diario, cual matutino a pone den su Courant cu e comunicado ta di mi persona. Tur otro medio a publica e comunicado como algo di Comision11. M a splica Juez esey, tambe e juez a ricibi copia di e comunicado como Produktie 1, cu e ta di Comision 11 E motibo pakico Diario a sake como un comunicado di Wolff, ta pa Diario duna e motibo. Un informacion di un redactor di Diario ta bisa cu semper Diario ta publica noticia cu un foto y di Wolff so nan tin foto y pesey nan a publika e comunicado como algo di Wolff.
E versión di e Juez ta cuestionabel. E juez a tuma e versión di e abogado di SEPPA. “Uit de overlegde brief van SEPPA, de reactie van Wolff op de sommatiebrief en twee artikelen uit de Diario, komt het beeld naar voren” dat Wolff vaker namens Commissie 11 naar buiten treedt en uitlatingen doet uit haar naam y pa e Juez yega na e conclusión cu Wolff ta autorisa pa papia y representa e comisión 11. Mi a splica e Juez y cual ta poni preto ariba blanco den mi nota di defensa cu esaki no ta berdad, ami no por papia y ni representa comisión 11.
Violacionnan di statutonan di SEPPA.
Despues e Juez ta trece su versión tocante restrincion/limitación di e derecho fundamental ariba libertad di expresión y den punto 4.13 ta suma e expresionnan di Wolff, cualnan ta mishi cu e transparencia y integridad di SEPPA y su miembronan.
E expresionnan di Wolff contra cualnan SEPPA ta opone ta lo siguiente:
- E directiva di SEPPA a actúa encontra di varios definicionnan di e statutonan di SEPPA. Esaki
- Desde 2014 no a duna responsabilidad di nan maneho financiero, presupuesto y plan di trabao.
- Desde 2014 no tin directiva, cual instancia mester supervisa e administración di secretario General sra Brito.
- E secretario General no a ricibi decharge di su maneho financiero, pasobra desde 2014 no tin directiva y informacionnan arriba violacionnan dor di e Secrtario General.
Den mi nota di defensa, como Produktie 2 a bay e statutonan di SEPPA y por escrito mi a a splica e Juez e violacionnan di articulonan di statutonan di SEPPA cu no tin directiva mas desde final di 2014, ya cu e presidente a pidi su retiro y a keda 4 persona y reglamento interno ta bisa cu e directiva mester consisiti di minimalmente 5 y maximalmente 7 persona y nunca mas tabatin elección legal pa un directiva. Cu eleccion mester tuma lugar a base di articulo 15 di statutonan. Tambe cu den articulo 19 di statutonan ta describi e tareanan di directiva pa controla y supervisa e maneho di e Comité Ehecutivo, tambe aprobación di e maneho financiero e Checks and Balance y e Decharge na Secr Gral Magaly y su tesorero. Si no tin directiva nada di esakinan por a sosode y cualnan ta violacionnan di statutonan di SEPPA. Tur cos ta poni preto arriba blanco pa e Juez por lesa. Esaki ta base di tur e declarcion di Comision 11 di e violacionnan di statutonan di SEPPA y base di e acusacionnan di domision 11.
Pues pa tur hende cu dosplaca di tino, si nan lesa mi defensa den corte SEPPA, violacionnan di Statutonan ta na ordu di dia.
E ponencianan di Juez den punto 4.14 cu mi acusacionnan no tin un fundeshi solido y a pasa e frontera di libertad di expresión ta increibel, ora mi acusacionnan ta a base di violacionnan di statutonan di SEPPA. Mi tin tur libertad pa expresa cu e statutonan di mi sindicato ta ser viola.
Tene eleccionnan, esta e balornan democrático, cualnan ta e fundeshi di nos Estado di Derecho y Social, no t’ey mas den SEPPA, después di e congreso anual di 2013.
Tocante elección di dia 11 juli ultimo cual ta ilegal, pasobra elección pa directiva según statutonan ta sosode durante e ultimo dia di e congreso anual. E directiva eligi no tin ningún valides.
E juez ta bisa cu SEPPA heeft de stellingen gemotiveerd weersproken. Con bo por contradeci violación di statutonan y hacie legal. Mas pio e juez ta haci ora e ta defende e ponencia di directiva cu no tin candidato pa directiva, pesey a uza un solución practico: UZANDO articulo 29 di statutonan 11 aña largo. Pero e articulo ta bisa cu por uza articulo 29, solamente pa asuntonan cu presenta cualnan no ta para den statutonan. Ora no tin directiva, statutonan ta bisa: Uza e articulo 15, tene elección, FACIL.
Prome cu e Juez a yega na su conclusionnan final, e ta bisa. Juez ta di opinión cu Wolff su posicionnan no tin un defensa solido contra e disputanan motiva di SEPPA. Berdad e representante di SEPPA a papia hopi largo mes, hopi biaha cu ponencianan emocional. Según mi esey a confundi e Juez. Mi persona no a papia hopi, mi a trece e statutonan di SEPPA como un produktie 2, mi a scirbi y splica e violacionnan di statutonan y Reglamentonan Interno, mustrando ariba e articulonan cu a ser viola, contra cualnan sinceramente, no por tin defensa motiva. Violacion di statutonan ta hechonan=feiten. Nan ta e berdadnan y pa Juez trece esakinan como acusacionnan di mi banda, ta di mas. Juez a faya bárbaramente, ora e ta acusa mi di a scirbi den e comunicado cu pa periodo largo cu no a tene elección, esaki lo a mina e democracia den SEPPA. NO Su Honorable Señor Juez, Ta esnan, Secr Gral y su staf, cu pa periodo largo no a yama elección, TA NAN a mina e democracia den SEPPA.
Den punto 4.15, Juez ta splica mi versión cu desde 2016, pero mester ta 2014, no a tene eleccion mas den SEPPA.
SEPPA sin ningún clase di berguensa ta defende su mes cu na 2014 y na 2025 tabatin elección. Juez ta tuma e argumento aki di SEPPA, pues SEPPA y Juez mes ta clarifica cu e periodo di 2014 pa juli 2025, no tabatin elección.
Un splicacion di e dos eleccionnan: E elección di 2014 tabata, cu pa motibo di falta di tempo y candidato, na final di november 2013, den e congreso anual di 2013. Mi persona tabata den directiva di SEPPA, nos a dicidi di pospone e congreso 2013 y pone e ultimo dia di e congreso 2013, di acuerdo cu statutonan, pa inicio di 2014 y tene e elección.
Ta bon pa menciona cu na 2014 e presidente eligi a tuma su retiro y a keda 4 persona den directiva cual según reglamento interno no por. Pa dos motibo un directiva mester consisti di minimalmente 5 persona, di dos no tin un presidente o vice-presidente eligi, nunca SEPPA a informa miembronan di esaki. Na final di 2014, ni después tabatin eleccionnan legal den SEPPA.
E elección di juli 2025 ta contra e statutonan di SEPPA, pasobra elección ta ser teni ariba e ultimo dia di e congreso anual. 11 Juli 2025 no tabatin congreso. Pues SEPPA tin un directiva cu no tin valides y un Secr.Gral kende a ser reeligi na 2013, después no mas, Pues tur hende pensa si e Secr. Gral ta legal of no!
Nos conoce otro sindicato TOPA, cu a keda 15 aña sin tene elección. Comision 11 no kier pa esaki sosode den SEPPA tambe. Pesey e acusacionnan di violacionnan di statutonan, tur cu base fuerte.
SEPPA tin un two-tier board=dualistisch bestuursmodel
Segun mi tur e problema di violacionnan di Statutonan a sosode dor di e structura di SEPPA for di 2010.
SEPPA tin un Two-tier board, un modelo unda tin un separación entre ehecutivonan=Comité ehecutivo cu ta haciendo e trabao sindical, e maneho financiero y un directiva cu ta controla y supervisa e maneho di Comité Ehecutivo. Un separacion entre ehecutivonan y supervisornan.
Loke nos conoce casi tur caminda di mundo, Gobiernonan ta ehecuta y Parlamentonan ta controla, igual den companianan cu un directie y un Hunta di comisariado.
Si nos traduci esaki bek na e ponencia di SEPPA, cu Juez a tuma over y haci comparación cu Nos Gobierno y Parlamento. Pa e periodo di 2014 pa juli 2025, no tabatin directiva, no tabatin parlamento , pero gobierno por uza un ley estilo articulo 29 di Statutonan di SEPPA pa sigui goberna cu un Parlamento gelapi. No Por. Pesey un comparacion hopi biaha ta splica correctamente.
Mi persona tabata e promotor di e modelo TWO-TIER den SEPPA, como 20 aña pasa ya cu na hopi paisnan na Europa, Asia, Nort-America y mas paisnan, esaki ta normal den sindicatonan grandi.
E Secr Gral di SEPPA, mi sa cu e no por funciona cu e modelo nobo. Pesey e hopi violacionnan di statutonan y su tendencia ta pa sigui cu e modelo ONE-TIER cu tabata existi den SEPPA prome cu 2010, den otro sindicatonan y asosacionnan ainda. Esaki ta confuso, bo tin un directiva cu ta ehecuta y controla/supervisa a la vez. E tendencia ta pa sindicatonan bay uza e modelo Two-Tier.
