Dia 12 di Juli 2024 un total di 3 Hues di Gemeenschappelijk Hof a dicta nan sentencia den e caso di Benny Sevinger e caso “Avestruz” kende a wordo condena na 4 aña di prison. Den caso Avestruz varios bandido di AVP tabata landra den placa cual nan a ricibi door di bende terenonan di pais Aruba corumpiendo e systema. Esaki a wordo prueba den Hoger Beroep unda Benny Sevinger x minister di AVP y tambe Leoncita “bisami” consehero di Mike Eman y Benny Sevinger a hanja castigo di prison. E veredicto ta consisti di 120 pagina. Increibel pa mira con e hendenan rond di AVP a bira miyonario riba custia di pueblo. Awor nan mester paga bek y sinta castigo di prison.
Pagina 19,21,23,27 di e sentencia a nombra hopi nomber y corupcion:
No lo repasa tur pero sigur lo accentua algun. Chief of staff di Benny un meneer Every right hand di Benny ta mail Leoncita riba terenonan di 5000m2, Susebeek otro righthand di Benny Sevinger x minister di AVP cu un suma di 2.4 miyon florin cash riba un account na Orco Bank Corsou cual Hues a ‘verbeur’ y pues a incuata kitando esaki di dije. Hues a prueba cu Benny Sevinger di AVP a ricibi placa di Susebeek kende a paga varios trabou na cas di Benny. Otro pagonan menciona den e sentencia di Afl.356.000 na Leoncita y un otro suma di $40.000 dollar cual a pasa riba cuenta di Leoncita riba un account di BBT Bank na Miami. Un otro pago di 160.000 us dollar riba e mesun cuenta aki. Asina Bo ta haña “berre berre” ora lesa e sentencia di (3) Hues di Hoger Beroep den caso Avestruz. Asina tanto corupcion cu bendemento di tereno den dia kla y Mike Eman no sa di nada? AVP awe kier hunga señorita cu nan no ta. Como cu Benny su sentencia di Cassatie den luna di november proximo lo ta saliendo nos lo mester keda recorda pueblo di e actitud di AVP y con nan a horta patrimonio di pueblo bendiendo esaki pa e “clan” di AVP bira rico. Prohibi pa lubida!
