A comparti informacion di e oportunidadnan di “Athlete365”: Carlos Santiago a reuni cu dirigentenan y entrenadornan di federacionnan miembro di COA

Ayera nochi den aula di Universidad di Aruba, educador Carlos Santiago OLY a presenta “Athlete365”, un  programa cu ta di Comite Olimpico Internacional cu ta ofrece un gran variedad di “tools” na tur  cu ta den e movemento Olimpico. Aki ta haya acceso na diferente curso cu por haci y siña tur cos cu tin di haber cu e mundo di atletanan den e movemento Olimpico. Presidente di e federacion di atletismo Anecy Toussaint y atleta Olimpico Roshendra Vrolijk ta conta mas di e anochi informativo aki.