Presidente di Parlamento Marlon Sneek despues di a ricibi hopi presion di tur banda y di tur nivel no por a keda sconde mas pa Mike Eman riba e tema di Rijkswet y a manda yama e reunion aki 29 di October proximo. Pues e dia aki pueblo lo bay conose kendenan lo vota “VOOR” pa Rijkswet HOFA y asina publicamente pueblo lo conoce e traidornan oficial, entreguistanan y bende patria di Aruba su autonomia y Libertad. Nos sa cu despues di e splicacion di tanto Professor Peter Nicolai y awor un advies por escrito di Professor Elzinga unda tur a caba cu e Rijkswet HOFA cu ta riba mesa varios Parlamentarionan di AVP a cuminsa pensa diferente. Pueblo lo bay tey pa miranan den nan cara dia 29 di October proximo.
Conseho di Raad van State a caba cu Rijkswet COHO y RAFT:
Mescos cu Fraccion di MEP a hasi na aña 2020 momento cu Hulanda na un manera brutal y bergonsoso a forsa Aruba cu (2) Rijkswet COHO (CHE), y RAFT a cambio di prestamo di placa den momentonan cu mundo henter tabata pasando den situacionnan doloroso, MEP a pidi conseho por escrito di Professor Hoogers na Hulanda kende ta experto y specialisa den leynan constitucional y ta consehero di gobierno Hulandes riba e temanan aki. E conseho a resulta devastador riba COHO y RAFT e tempo aya. Pesey strategicamente nos a anticipa cu e leynan ey lo no pasa cu un conseho postivo di Raad van State. Pesey nos por a sigui negosha cu Hulanda na un manera strategico. Dicho hecho Raad van State su conseho a caba cu e leynan ey.
Professor Elzinga ta confirma cu un Bestuurlijkakkoord no ta bindend
Mike Eman, Gerlien Croes y Geoffrey Wever manera traidornan di pais Aruba y ladronnan di anochi a entrega nos autonomia financiero 29 di Augustus ultimo na Hulanda a cambio di un saco di plaka. Momento nan a presenta Rijkswet HOFA “FIRMA” pa nan tres Fraccion di MEP a haña esaki un insulto total como cu nan no a cumpli cu e proceso di bin Parlamento “prome” pa waak si tin sosten (consensus) y no a consulta cu gremio, sindicato y pueblo riba un tema asina serio. Fraccion di MEP a pidi conseho por escrito di Professor Elzinga di Hulanda experto specialisa riba Staatsrecht y Koninksrijks riba HOFA di Mike Eman y Gerlien Croes. Conclusion di e conseho aki ta cu Rijkswet HOFA no ta bon y no ta beneficioso pa Aruba. E Argumento fofo cu AVP-Futuro ta sconde nan mes tras di dije cu Evelyn Wever Croes a firma, Professor Elzinga a caba cu esaki y tabata hopi kla.” Het bestuursakkoord van 2024 bevat de intentie van partijen om de route van de consensusrijkswet te volgen, maar die intentie levert “NIET” een sluitende juridische binding op”. Professor Elzinga tabata hopi cla den su advies. Un Bestuurlijkakkoord huridicamente NO ta bindend. Pues esey NO ta mara pais Aruba na nada. Riba HOFA mes Professor Elzinga a termina bisando, “door aanvaarding van de Rijkswet HOFA neemt Aruba een gok met vooralsnog onvoorspelbare effecten. Beter ten halve gekeerd dan ten hele gedwaald”. Pues mihor Bo stop awor y negosha algo mihor enbes di purba corihi ora ya ta laat. Spierta Gobierno!
