Recientemente Prome Minister mr. Mike Eman a bishita Verano. Durante bishita a combersa cu varios ciudadano cu pa varios aña ta huur e casnan di FCCA den bario. Necisidad den Verano ta hopi; for di mehora den iluminacion publico, na falta di un accion di limpiesa den cura di algun cas, drempels pa automobilista baha velocidad y mas. For di inicio di Gabinete AVP-Futuro, Prome Minister ta bishita e barionan.
Durante e bishita tambe ta planta mata, e biaha aki na Verano a topa cu un docente pensionado. Ta trata aki di Olivia Samijadi cu ta ehempel di con nos grandinan ta keda activo, e ta haci gym despues di mas cu 43 aña cu la traha den enseñasa y ademas e ta hopi dedica na su jardin.
“Sembra Speransa ta un prioridad di Gabinete AVP-Futuro” Prome Minister Mike Eman a remarca na tur presente. Señora Samijadi den cu cura tin varios mata di fruta y durante e bishita, premier Eman hunto cu Sonaly Fernandez-Acosta a planta un mata mas.
Gobierno tin un compromiso cu nos barionan y comunidad pa renoba e casnan social pero tambe mehora calidad di bida y trece alivio den poder di compra. E bon comun ta prevalece a trasves di varios esfuerso haci na beneficio di un y pa tur.
