Repasando den diferente file di gobierno anterior por a encontra cu documentacion di algun personanan kendenan constantemente kier desgaba sea gobierno actual of cualkier politico di e gobernasion aki. Un di nan cu constantemente ta jama radio cu un cantidad di “fantasia propio” papiando mayoria biaha “estupidez” ta Jean Louis Daquin conosi tambe como “Hatiano Daquin”. Kiko por ta e odio cu Daquin por tin contra Arubianonan of miembronan di actual coalision? Na promer lugar a logra pone man riba e salaris di Daquin kende tabata forma parti di e lista di 147 conseheronan di Mike Eman. Manera por a mira den prensa cu Mike Eman su 147 coordinadornan tabata costa pais Aruba 11.3 miyon pa anja y den e Jaarverslag cu a wordo publica December 2019 por a tuma nota cu e actual Minister Presidente a logra baha e cantidad di conseheronan bou di 25 den comparacion cu 147 di Mike Eman. Esaki a reduci e costo di pais Aruba di 11.3 miyon ( Mike Eman) pa 2.5 miyon ( Evelyn Wever Croes) pa aña esta un reducion di 8.8 miyon igual na 78%. Den e reducion aki por a tuma nota cu Daquin tambe a bay cas. Daquin tabata cobra 60.000 florin pa aña igual na 5000 florin pa luna pa duna Mike Eman conseho. Su contract a core desde 1 di Juni 2010 pues 7 luna despues cu Mike y AVP a sinta. Pues Daquin no a logra bay den e eerste ronde cu esnan mas serca di partido AVP kendenan si a cuminsa mesora 1 di november 2009 despues di elecion. Daquin su ultimo dia di trabou tabata 31 di october 2017. Daquin tabata cobra adicional TBS ( Ter Beschikking Stelling) Afl. 700 pa luna y ademas Daquin tabata haña Afl.250 florin telefoon toelage mas 250 florin como autotoelage. Pues Daquin sin ningun tipo di school of preparacion tabata riba lista di coordinador di Mike Eman y a forma parti di e 147 personahenan cu suerte di tabata tin un bida di luho. Daquin su specialidad tabata pa yama diferente radio emisora tur mainta y merdia y ta lesa for di e papel cu Kantoor di Mike Eman tabata prepara pe tur dia. Awor cu Daquin no tin salario mas ta mas cu klaro cu su odio riba e Coalision aki ta imenso y mescos Patrick Paskel y Speed Andrade kendenan a cobra 7 miyon serca Mike Eman nan odio ta notable y nan lo kier un cambio hopi pura pa asina nan por recobra nan salario bek. Tin entendi cu Daquin ainda ta ricibi un toelage di partido AVP di Afl.100 pa luna pa telefoon pa e sigui jama radio. Aparentemente tin un discucion interno basta pisa riba e suma aki paso Daquin a custumbra pa 8 aña biba den luho rond di Promer Minister pero awor ta masha poko Mike Eman ta atende y esaki a pone e fuse di Daquin bula. Grito nan a sali di cas di partido segun informantenan “ mi ta labia labia cu paltido”. Un cos ta sigur Afl.60.000 pa aña of Afl.5000 florin pa luna Daquin no a cobra mas for di e pagador di belasting di pueblo di Aruba. Nos por a construi un cancha deportivo cu 444 mil florin cu Daquin a cobra for di e pueblo aki sin produci net net nada. Por a usa e plaka aki pa hopi otro cos benefisioso pa pais Aruba. Un cos ta sigur cu Daquin no ta cobrando mas tampoko ta abusando mas di plaka di pueblo.
