Diasabra anochi trempan polis y ambulance a bay pabou di rotonde Dadelstraat, unda un auto a bolter.
Polis a bin topa un Kia Picanto riba su banda drechi y polis lo a yuda e chauffeur sali.
E auto pa un of otro motibo a bay dal un palo di luz tambe, causando daño na dje.
Elmar a wordo notifica, mirando cu e palo di luz a bay full di banda y lo por cay.
Mientrastanto Paramediconan cu a presenta, a pone e homber den ambulance y por a mira e chauffeur papiando cu e Paramedico.
Caminda a wordo cera pa Forensys tuma datos y lo tawata tin mester di takelwagen pa lanta e auto.
