Segun a keda publica den e medio ARGUS, e propuesta di Eagle LNG, cu sede na Houston, ta parti di un strategia di abastecimento di combustibel y suministro riba escala chikito den Caribe mas amplio.
“Inverti den e economia di Aruba, nos ta spera pa crea trabao pa e Arubianonan na momento cu nos reduci e costonan di energia, nos ta stimula e desaroyo economico y nos lo proporciona combustibelnan mas limpi,” Eagle LNG a bisa Argus.“Nos ta sperando mas comentario riba e proximo pasonan for di Aruba.”
Un poco di Eagle LNG:
E empresa Eagle LNG, a firma un contract “turn key” pa suministra di gas na luna di october cu Barbuda Ocean Club Resort pa e crea di energia, haciendo uzo di containernan ISO carga den su instalacionnan di Maxville, Florida. Eagle ta planeando un planta nobo y un terminal di licuefaccion den awanan mas grandi na Jacksonville, Florida, capas di produci 1 miyon ton anual di GNL, cu 45 mil m3 di almacenamento.
Activonan na peliger
Na principio di e aña aki, RdA a emiti un solicitud di expresion di interes a lo largo di dos via: uno pa renoba y reinicia e refineria di 235 mil bari pa dia, anteriormente opera pa e refineria Mericano Valero y otro pa desaroya actividadnan industrial adicional na e luga, cu ta inclui e Transterminal di GNL, instalacionnan petrokimico y energianan renobabel.
Quanten Consortium Aruba LLC a gana e prome parti di e destahe di Aruba y Eagle LNG a gana e di dos. Quanten y Eagle LNG ta e ultimo candidatonan pa reactiva e activonan di Caribe Hulandes cu tabata wordo opera pa e estatal Venezolano PDVSA.
E esfuersonan di Corsou pa haya un operador nobo pa su propio refineria a fracasa te awor aki. Den e caso di Aruba, a supone cu Citgo, subsidiario di refinacion Mericano di PDVSA, lo a rehabilita e refineria den un proyecto di 1.100 miyon di dollar cu ta data di 2016. El a activa poco y e proyecto a colapsa por completo despues cu e oposicion di Venezuela, respalda pa Merca lo a kita e control di Citgo for di PDVSA na 2019. E refineria di Aruba a opera aproximadamente 145 mil bari pa dia di rendimento na momento di su ciere na 2012.
E refineria tabata capas di procesa crudo acido den intermedio y algun combustibel destila acaba. Manera Corsou, Aruba a busca separa pa huur tankinan di almacenamento di petroleo. E acuerdo inicial di Aruba na empresanan specialisa den activo den dificultad Emqore, a caba recientemente. Corsou a hala atras for di un acuerdo cu SPS Drilling E&P poco despues di su firma. ( Via Argus)
