Ora nos ta haci oracion, nos ta comunica cu Dios, expresando nos mes na Senjor, tur locual cu nos tin mester y tur locual nos ta bay haci.
Ta serca Senjor nos tur tin di yega, pasobra Senjor ta Soberano y nos tur ta depende di dj’E.
Oracion tin poder, oracion ta trece sanacion, liberacion, y ta corre cu maldad, ora nos deposita nos fe den Dios, pasobra oracion mester worodo haci cu Fe, sabiendo cu Dios ta capas pa haci tur locual nos ta pidi Dios.
Si un hende no ta kere cu locual e ta pidi por sosode, e persona ey ta haci oracion pornada, pasobra e tin duda cu Dios por hacie, y Dios no kier pa nos duda, pasobra esun cu ta duda ta demostra desconfiansa, y caminda tin desconfiansa no tin seriedad.
Oracion ta libra nos for di tentacion manera ta para scirbi den Mateo 26:41: Keda vigila y haci oracion
Pa boso no cay den tentacion, e spirito ta boluntario, ma e carni ta debil.
Hesus a sinja nos con pa haci oracion, pasobra E mes tabata haci oracion na su Tata cu ta den cielo, pasobra esey ta trece forsa Spiritual,. Conocemento y Poder.
Den Mateo 6:6 Hesus ta sinja nos lo siguiente:Ma abo ora bo ta haci oracion,bay den bo camber di mas paden,y ora bo sera bo porta,haci oracion na bo Tata cu ta den scondi, y bo Tata cu ta mira den scondi lo recompensa bo.
Aki nan nos ta mira cuanto balor nos tempo den oracion tin dilanti di Dios, e ta demostra cu mas serio nos ta den oracion, mas grandi nos bendicion lo ta.
Awendia hopi hende kier mira cosnan grandi sosode, pero nan kier pasa tiki tempo den oracion, of nan ta usa e palabra di custumber”Dios lo sa”, esey ta nifica cu esfuerso ta envano.
No tin nada cu tin mas poder cu oracion riba e mundo aki, pasobra si nos wak locual 2 Cronicanan 7;14 ta sinja nos, anto nos tin cu componde cu ora nos uni hunto den oracion, Dios por haci tur cos pa nos, basta nos curason ta humilde, nos confesa nos pica, y hala for di nos mal caminda.
Oracion ta libra hende for di gara di e enemigo, pasobra e enemigo no por resisti oracion.Oracion ta kibra tur poder di bruheria, y scuridad, pasobra oracion ta trece lus den tur cos.
Oracion ta habri portanan sera, y ta demostra poder di Dios, pa tur hende por sa cu Dios tey pa nos tur momento cu nos aserca Dios den oracion.
Palabra di Dios ta bisa den Juan 1 Juan 5:14-15: Y esaki ta e confiansa cu nos tin Su dilanti, cu si nos pidi cualkier cos, conforme su boluntad,E ta tende nos. Y si nos sa cu e ta tende nos,den tur loke nos pidi,nos sa cu nos tin e peticionnan cu nos a pidi di dj’E.
Den Juan 14:13-14 palabra di Dios ta bisa; Y tur loke boso pidi den Mi nomber, esey lo mi haci, pa e Tata wordo glorifica den e Yiu, si boso pidi algo den Mi nomber loMi hacie.
Den Marco 11;24 ta para scirbi: Pesey mi ta bisa boso, tur loke boso pidi ora boso ta haci oracion, kere cu boso ta ricibie, y e lo bira di boso.
Tur nos oracionnan mester wordo dirigi na e Tata den nomber di E Yiu, pasobra ta un mediador tin entre Dios y hende y esey ta Cristo Hesus.
Awor mas cu nunca nos oracion mester aumenta, tur momento. Sinceramente Pastor Marcel Balootje
