Prome e acusacion di SEPPA pa lanta un caso contra mi persona, mientras e comunicado ta di Comision 11 cual a Sali publica den e matutino Diario, cual matutino a pone den su Courant cu e comunicado ta di mi persona. Tur otro medio a publica e comunicado como algo di Comision11.
Mi a splica Juez esey, tambe e juez a ricibi copia di e comunicado como Produktie 1, cu e ta di Comision 11. Informando na Diario di con a publica e comunicado como di Wolff. Un redactor di Diario a scirbi mi, cu a resulta cu mi tin e mala suerte. Semper Diario ta publica noticia cu un foto y di Wolff so nan tin foto y pesey nan a publica e comunicado di Comision 11, como algo di Wolff. Pues e versión di e Juez pa castiga Wolff so, no e comisión 11 ta cuestionabel, pero mi ta un luchador social cu nunca lo mi cobardia pa bringa un lucha di trahadornan. Den e caso aki loke comisión 11 a trece den e comunicado ta correcto y cual mi ta bolbe splica.
Di dos Asunto ta cu después di e congreso anual di 2013 no tabatin elección ligitimo den SEPPA.
Den mi defensa dilanti juez mi a trece cu desde 2013 no tabatin elección mas den SEPPA,esaki según e comunicado di Comisión 11. Pa ilustra esaki mi ta trece un parti di loke e Juez a pone den e veredicto pa mi rectifica y cual ta esencial y ta bisa tur cos, concerniendo SEPPA:
Ten aanzien van de uitlatingen heeft Wolff ter onderbouwing -samengevat-aangevoert dat er vanaf 2016 geen verkiezingen zjn gehouden binnen SEPPA en dat SEPPA daarom vanaf december 2016 geen bestuur meer heeft. Ook stelt Wolff dat de verkiezing van 11 juli 2025 binnen SEPPA niet volgens de bepalingen in de statuten zijn verlopenen daarom ilegal is.
SEPPA heeft die stellingen gemotiveerd weersproken. Zij heeft aangevoerd dat er in 2014 en in 2025 legitieme verkiezingen hebben plaatsgevonden en dat er in de tussenliggende periode diverse mensen uit het bestuur zijn teruggetreden, er geen geschikte kandidaten beschikbaar waren en dit praktisch is opgelost met een beroep op artikel 29 van de statuten. SEPPA heeft verder onder verwijzing van de notulen aangevoerd dat er wel degelijke financiele verantwoording is afgelegd.
Den 11 aña SEPPA a tene solamente dos elección.
Juez mes a scirbi preto arriba blanco, cu durante e periodo di 2014 pa juli 2025, SEPPA a tene dos elección legitimo. Lesa bon, solamente dos elección den 11 aña. E elección di 2014, mi persona tabata presidente di SEPPA, mi ultimo dianan como dirigente di SEPPA y den e Congreso Anual di 2013 pa motibo di falta di tempo y candidato, nos a dicidi pa pone e ultimo dia di e congreso después di fiestanan di fin di aña y di e fiestanan di Carnaval di inicio di 2014 y tene elección. Pues e elecion di 2014 ta pertenece na Congreso anual di 2013. Pero durante 2014, e presidente nobo eligi a tuma su retiro y a keda 4 persona den directiva. Según reglamentonan Interno di SEPPA articulonan 37 y 39, directiva mester consisti di minimalmente 5 persona y no a tene elección di directiva mas. Pues no tin directiva mas desde final di 2014. E elección di 11 juli 2025 ta ilegal, pasobra den statutonan den 2 articulonan , art 10 lid f. y art 15, lid 1, ta para cu elección di directiva ta sosode den un congreso di SEPPA. 11 Juli 2025 no tabatin congreso y e eleccion ta ilegal. Pues loke Juez a scirbi mester ta, cu desde congreso anual di 2013, SEPPA no a tene eleccionnan legitimo mas
Articulo 29 di statutonan.
“In alle gevallen waarin deze statuten niet voorzien, beslist het Uitvoerend Comité, die het bestuur binen een week hiervan op de hoogte stelt”.
Den statutonan di hopi asosacionnan esaki ta poni pa uza den UN caso excepcional.
Prome, e no ta pa uza 11 o 12 aña tras di otro.
Di dos, no tin directiva, statutonan ta bisa tene elección, usando articulo 10 o 15.
Di tres, no por uze, dentro di un siman mester informa directiva di esaki y no tin directiva.
Di cuater, lesando e notulanan di e congresonan no ta poni cu Comité Ehec. a uza articulo 29.
Di cinco, Cada biaha ta scirbi, den notulanan di congreso, cu tin cuater candidato pa directiva, cual no por, art 37 y art 39 di Regl Interno ta bisa cu directiva mester consisti di entre 5 y 7 persona.
E parti cu Juez ta scirbi: “degelijk financiele verantwoording is afgelegd” no por, sin directiva.
Berdad, según info di delegadonan, tesorero K. V. den congresonan ta trece resumennan di gastonan cu e cifranan, pero no tin directiva pa verifica si e cifranan ta correcto.
Otro asunto cu ta spanta miembronan ta e Jaarrekening. E ultimo 20 añanan tin compromiso den SEPPA cu un register-accountant ta traha e jaarrekening di SEPPA. For di notulanan no por saca afor kico ta pasando, pero informacionnan cu ta core, parce no tin Jaarrekening mas for di 7 pa 8 aña pasa. Miembronan no a ricibi info for di Comité Ehecutivo kico ta pasando.
Den SEPPA desde 2014 no tin Checks and Balances
Pues claramente e Berdad ta cu, for di 2014 SEPPA no tin directiva. Statutonan y Reglamento Interno = Constitucion di SEPPA ta dicta e tareanan cu Directiva mester ehecuta manera:
- Control y supervisión di loke e Comité Ehecutivo a haci;
- Control y aprobación di e maneho financiero;
- Kehonan di miembronan tocante e funcionamento di SEPPA;
- Supervision di e ehecucion dor di Comité Ehecutivo di e plannan anual stipula dor di congreso;
- Cada trimester ta stipula un control pa cera un control ariba e parti financiero y aproba e balanza financiero;
- Si tur cifra controla ta correcto ta duna DECHARGE na e Secretario General y Tesorero.
Den caso cu no tin directiva esakinan ta e violacionnan di e Constitucion di SEPPA tur aña.
Si calcula nan pa 11 aña, e violacionnan cometi ta barbaro, surpasando 60.
Ora nos anallisa kico a pasa den e caso di e veredicto di Juez: Secretario General M. Brito a informa Meneer D, esaki a informa abogado di SEPPA, esaki na su turno a duna e info na Juez, kende a confía e informacionnan di SEPPA sin verifica y sin tene cuenta cu e info di e contra-partido.
Den e poceso aki tur a yuda, pa erosiona e Berdad = uitholling van de waarheid, esta kico di berdad ta pasando den SEPPA.
E ponencianan di Juez cu mi acusacionnan no tin un fundeshi solido y a pasa e frontera di libertad di expresión ta increibel, ora mi acusacionnan ta a base di violacionnan di statutonan di SEPPA. Bo no por ta flexibel cu violacionnan di statutonan y Reglamento Interno.
Mi tin tur libertad pa expresa cu e Statutonan y Reglamento Interno di mi sindicato ta ser viola.
Poco dia pasa tabatin congreso 2025 y elección atrobe no tabata punto di agenda.
No tin democracia den SEPPA
Tene eleccionnan según reglanan, esta duna valor na democracia, cualnan ta e fundeshi di nos Estado di Derecho y Social, no t’ey mas den SEPPA, después di e congreso anual di 2013.
Violacion di statutonan ta hechonan=feiten. Nan ta e berdadnan y pa Juez trece esakinan como acusacionnan di mi banda, ta di mas. Juez a faya mahos, ora e ta acusa mi di a scirbi den e comunicado cu pa periodo largo cu no a tene elección, esaki lo a mina e democracia den SEPPA. NO Señor Juez, Ta esnan, Secretario General y su staf, cu pa periodo largo no a yama elección, TA NAN a mina e democracia den SEPPA.
SEPPA cu un Secr.Gral, eligi na 2013, después no mas.
Esaki a Sali for di e información cu e Secretario General mes a duna Juez via su abogado
“SEPPA heeft die stellingen gemotiveerd weersproken. Zij heeft aangevoerd dat er in 2014 en in 2025 legitieme verkiezingen hebben plaatsgevonden”.
Ta Juez a scirbi preto arriba blanco, no ta Wolff a bisa, cu según SEPPA, durante e periodo di 2014 pa juli 2025 SEPPA a tene solamente 2 eleccion legitimo, pero e elección di 2014 ta pertenece na congreso anual di 2013 y cu rason, e elección di juli 2025 no ta di acuerdo cu statutonan, pues ta ilegal. Pues traduci e ponencia di e Juez den hechonan berdad esaki mester ta: Despues di congreso anual di 2013 no tabatin elección ligitimo den SEPPA.
Berdad tambe ta, ora bo lesa e notulanan di tur e congresonan anual for di 2013, solamente na 2013, no mas, tabatin elección pa Secretario General. Den e notula ta para cu M. Brito a keda eligi pa 3 aña. Pues for di final di 2016, SEPPA no tin un Secretario General eligi.
Ta esakinan ta para den e comunicado di comisión 11 y Wolff a ser castiga sin base.
Nos conoce otro sindicato TOPA, cu a keda 15 aña sin tene elección. Comision 11 no kier pa esaki sosode den SEPPA tambe. Pesey tur e acusacionnan di violacionnan di Statutonan y Reglamentonan Interno di SEPPA, tur ta cu basenan fuerte.
No tin formacion sindical den SEPPA.
E otro problema grandi di SEPPA ta cu no tin formación mas. Durante cu mi tabata presidente di SEPPA, decisión tabata, cu 30% di tur placa di contribución ta bay pa formación. Bao liderazgo awor di M. Brito nos no ta ni wak un presupuesto. Bo no ta tende cu tin cursonan of otro forma di formación. Prueba di esaki ta cu poco dia pasa mi a a wordo raya como miembro di SEPPA, sin base huridico. Ni un carta fácil, Brito kende ta bay haci 26 aña como líder máximo di SEPPA, no por a traha pa raya mi persona. Ta meneer D mester a trahe. Brito ta tambe tesorero di e cooperativa di Miembronan di SEPPA, unda a sosode un ladronicia di F 382.000,=.
E Tesorero ta e persona mas responsable ora di un ladronicia. Normalmente den asosacionnan ora discubri un ladronicia asina, un tesorero integro ta pidi su retiro y ta bisa di bolbe bek si resulta cu e no ta carga culpabilidad, esaki tambe ta parti di un formacion adecua. Brito ta keda. Pues hasta e secretario General, falta mashar hopi formación. E no a forma su mes den e 25 añanan como líder máximo di SEPPA.
Meneer D. tabata abogado, pero kende a comete algo pisa contra ley, a cay sera pa algún siman y después saca malamente for di orden di abogado.
Awor e ta e hurista di SEPPA Y CAPA. E ta traha tur carta.
Den e norma nobo: EROSION di e Berdad, papia berdad a bira un delito, impunidad a bira ley.
E informaciónnan treci ta e base di tur e acusacionnan di Comision 11 den e comunicado. Di con? Pasobra no tin directiva y consecuentemente tur e tareanan describi den statutonany Reglamentonan Interno di SEPPA, directiva mester cumpli cu nan, tur aña, pero for di 2014, no tin directiva y nan no a ser haci: Supervision y control arriba e maneho di Comité Ehecutivo, e asina yama Checks and Balances, Decharge na Secretaro General y Tesorero. Tur e trabaonan aki di controla mester ser haci prome cu bay Congreso .
Tur esakinan ta e violacionnan di Statutonan di SEPPA, cu e comunicado di Comision 11 ta papia bon cla ariba e situación den SEPPA. Si suma nan tur den e 11 pa 12 aña, nan ta barbaro. Pero pa hopi e norma nobo ta, “erosion di berdad”. Mas claro no canta un gayo.
Tur e berdadnan aki Wolff a trece den corte, pesey e a comete un delito y mester rectifica y raya. M. Brito a ser reeligi na 2013, después no mas. Pues den SEPPA legalmente no tin directiva desde 2014 y desde fin di 2016 no tin Secretario General eligi. Bisto ta, cu Brito, líder máximo di SEPPA pa 25 aña, ta keda goza di impunidad y awor ta wordo defendi pa ley tambe. Wolff cu a mustra kico ta pasando y papia e berdad ta ser castiga cu rectificación y rayamento. Esakinan ta ehempelnan claro di EROSION DI E BERDAD.
Como expresidente di SEPPA mi ta dispuesto pa duna splicacion amplio di e Statutonan y Reglmento Interno di SEPPA na tur miembro di Comité Ehecutivo y na tur miembro di directiva eligi den e elección chimbo na juli 2025, pa conhuntamente nos busca un solución. Tur e problemanan cu mi persona y comisión 11 ta pasa aden, ta pa motibo di nos buscamento di e Berdad ariba e ladronicia di F 382.000,=, den e cooperativa CAPA, di miembronan di SEPPA.
Gregorio Wolff 14 nov 2025
