Diabierna anochi algo prome cu 7’or y mey a sosode un accidente poco pabou di rotonde di Piedra Plat[bright bakery]. Trafico tawata basta pisa e momento ey, y esnan pasando por a mira dos persona herida riba e acera.
Poco mas pabou, memey di caminda un T-Max benta, luz cendi ainda.
Mesora esnan den cercania a baha y notifica tanto 911 y 100.
Den algun minuut polis motorisa a yega y ta cera caminda parti pabou.
Den algun minuut, caminda tanto pariba y pabou a wordo cera completamente.
E ACCIDENTE
Na e sitio tanto e motociclista y e peaton tawata herida, e motociclista tawata basta herida y tawata sangra na cara. E peaton[21] tawata tin golpi na cabes y pia kibra.
Locual a sosode, ta cu e motociclista bayendo direccion Paradera a desvia pa no dal frontal contra un auto cu lo tawata pasando.
Ey ta unda e la maniobra y dal contra acera. Aki ta unda cu ambos persona no ta corda exactamente kiko a pasa, debi cu e hoben na blanco tawata canando di lomba y ta wordo alcansa door di un golpi fuerte parti patras.
Aki ta unda investigacion lo mester saca afo si ta e motociclista su curpa mes[bisti cu helm] a dal e hoben, of ta e brommer cu a lastra varios meter bay pabou.
Dos ambulance a presenta, unda cu ambos persona a wordo transporta pa Hospitaal.
Polis di trafico a presenta, y no ta conoci si lo bay mira security cameras riba e caminda, pa sina saca for kiko exactamente a sosode.
