E oferta di mundo ta yena wowo di hende cada dia, tur hende kier bira rico, tur hende kier biba manera nan kier, maldad ta wordo alaba, mientras cu bondad ta wordo rechasa, inmoralidad ta wordo aprecia, mientras cu decencia a wordo lubida.
Ta parce manera cu hende a perde berguensa y no tin e diferencia, entre locual ta decente y locual ta inmoral, locual ta constructivo y locual ta destruvtivo.Esun cu ta para pa orden, respet y santidad, ta wordo haci bofon di dje, mientras cu esun cu practica sensualidad su fama ta aumenta tur dia.
Pablo a menciona den 2 Timoteo 3:1-5 di tempo trabahoso, cual ta nifica tempo peligroso, pero tambe un tempo caminda hende lo no tin respet, hende ta persisti den nan arogancia, den nan mal pensamento y nan duresa di curason.
2 Timoteo 3:16-17 ta para scirbi: Tur Scritura ta inspira pa Dios,y ta util pa ensenansa,pa reprendemento,pa coreccion,pa educa den husticia,pa e hende di Dios por ta perfecto , ekipa pa tur bon obra.
Pero notable ta cu no ta tur palabra di Dios hende gusta scucha, awendia tin hende cu no gusta coreccion, ni tampoco disiplina, y no kier tin dominio propio, na kier biba la vida loca, pensando cu asina ey ta bida, y lubida riba Dios, no kier tende pasobra e palabra di Dios ta husga nan.
Pero 2 Corintionan 4: 3 ta bisa; Pasobra e tempo lo bin, cu nan lo no soporta doctrina sano mas,ma alcontrario , pa satisface nan mes deseonan , nan lo acumula sinjadornan pa nan mes, pa bisa nan loke nan orea cu ta kishiki kier tende.nan lo bira nan orea for di e berdad.
Pesey mira con boso ta cana , no manera hende bobo, ma manera hende sabi,haciendo bon uzo di boso tempo pasobra e dianan ta malo.Pesey anto no sea bobo ma comprende locual ta e boluntad di Senor.( Efesionan 5 : 15-17).
Nos ta bibando den un tempo cu tur hende mester compronde cu bo no por lanta bo famia sin Cristo Hesus, cu cada cas mester ta un hogar di oracion, cu hende mester dedica tempo na Dios hunto cu nan Famia, Cu baymento di cas di Dios, no por sigi manera antes mas , tempo cu 3 biaha pa anja hende ta bay cas di Dios, Pasco di Nacemento, Pasco di Resureccion, y Diabierna Santo.of Bispo di anja.
E tempo den cual nos ta bibando ta exigi mas tempo pa Senjor , pasobra e atakenan di e enemigo riba famia, ta multiplica cada dia, y ta solamente cu Senjor nos por derota e enemigo.
Den Galationan 5;19-21 e obranan di carni ta wordo demostra, den 2 Timoteo 3:1-5 e obranan di carni y cambio di caracter di hende tambe ta wordo demostra, den 1 Cor 6:19 e palabra di Dios ta corda tur hende cu nos curpa ta tempel di Spirito santo y cu nos no ta di nos mes.
Awor manera e tempo ta bayendo awor aki, cuanto hende ta corda riba esey? Ken ta corda cu nos tin un donjo? Ken ta corda cu nos mester tin respet y temor di Dios.
Laga nos para keto un rato y nota e falta di Dios, den hogar, na scol, den oficina, den negoshinan , pasobra tin hende ta kere cu tur locual cu nan tin ta nan mes a hacie, y ta lubida cu ta Dios a hacie.
Den nos hogar nos mester traha lugar pa Dios, stop di bira rond y pone Cristo Hesus na prome lugar den nos bida, y nos hogar.
Sinceramente, Pastor Marcel Balootje
