Aruba Amateur Weightlifting Association lo bai tin nan Campionato Nacional di hisamento di peso. Esaki ta wordo teni riba diadomingo awor 30 november 2025. Esaki ta wordo teni den Compleho Deportivo Frans Figaroa na Noord.
E club nan cu ta participa ta Paradise Strength Aruba, E2REP Fitness, TNT Gym y RAW Fitness Aruba, Paisnan cu ta presente den e Campionato Nacional ta Canada, Colombia, Curacao, Ecuador, Estados Unidos y Guatemala. Pisamento di atletanan ta 8:30am y competencia ta start sali pa 10:30am.
Tambe lo ta presente den nos evento ta e famoso atleta femenino di Canada Rory van Ulft apenas 12 anja di edad cu ta campion mundial den su categoría y tin record mundial y tambe presente e atleta Yhurisen Molenaar for di Corsow cu a bira campion mundial den categoría di masters na Finlandia. Ta wordo hisa den diferente categoría den Youth, Junior, Senior y Master. Nos por spera sigur un bunita competencia jen di ambiente deportivo unda sigur varios di e atletanan lo bataya duro contra di otro y lo trata di kibra nan record personal..
Aruba Amateur Weightlifting Association kier a invita tur fanatico di e deporte di Weightlifting pa bin apoya nos atletanan den e Campionato Nacional di hisamento di peso cu ta tuma lugar den Compleho Deportivo Frans Figaroa na Noord.
Entrada ta gratis pa grandi y chiquito.
